IShowSpeed Qozog'istonga keladi

Yaqinda bir muxlis bilan uchrashuv chog'ida strimer: "Xavotir olmang, men Qozog'istonga kelaman".

Taxminlarga ko'ra, gap 30 sentyabr kuni Olmaota shahrida bo'lib o'tadigan "Qayrat" – "Real" uchrashuvi haqida ketmoqda.

Sports24.kz manbasi yozda strimer ikki shahar Olmaota yoki Ostonadan birini tanlayotgani haqida xabar bergandi. Takidlanishicha, IShowSpeed albatta Qozog'istonda bir nechta jonli efirlar olib boradi, ularning har biri o'zi joylashgan shaharga bag'ishlanadi.

IShowSpeed (haqiqiy ismi Kichik Darren Uotkins) – IShowSpeed laqabi bilan butun dunyo bo'ylab tanilgan 19 yoshli amerikalik strimer va bloger. Uning YouTube va TikTok'dagi eshittirishlari millionlab tomoshabinlarni o'ziga tortadi. U strimlardagi aql bovar qilmas xatti-harakatlari, yovvoyi energiyasi va Krishtianu Ronalduga cheksiz muhabbati bilan nom qozongan.