Iroq termasining Jahon chempionatidagi yagona goli muallifi COVID-19 tufayli olamdan ko'z yumdi

Radi 13 iyun kuni shifoxonaga yotqizilgan edi, keyin esa unga javob berilgan. Biroq, sog'lig'i og'irlashgani bois 18 iyun kuni kasalxonaga qaytarilgan.

Ahmad Iroq milliy jamoasi safida 1982-1997 yillar davomida harakat qilgan va terma bilan JCH-1986 hamda Olimpiada-1988'da ishtirok etgan. Termada 73ta o'yinda qatnashib, 43ta to'p kiritishga muvaffaq bo'lgan Ahmad Radi Iroqning mundialdagi yagona goli muallifi ham hisoblanadi. Ushbu golini Belgiya darvozasiga urgan.

Forvard 1988 yil Osiyoning eng yaxshi futbolchisi nomiga sazovor bo'lgandi. SHuningdek, Xalqaro futbol tarixi va statistikasi federaciyasi (IFFHS) talqiniga ko'ra, u sariq qitaning XX asrdagi eng yaxshi futbolchilari ro'yxatida 9-o'rinda ko'rsatilgan.