Intervyu. Asadbek Sobirjonov : “Muhsin Muhammadiev jamoani Superligada olib qola oladi”

Avval xabar berilganidek Lyubinko Drulovich shogirdlari mazkur yig'in doirasida Janubiy Koreya OTJ bilan ikkita o'rtoqlik uchrashuvida maydonga tushadi. “Buxoro”bilan  Superligada qolishga intilayotgan Asadbek  Sobirjonov murabbiy borasidagi fikrlari bilan bir qatorda  klubdagi holat haqida ham to'htalib o'tdi.

- Asadbek, mana olimpiya terma jamoasidan uchinchi bor chorlov oldingiz. Bosh murabbiy Lyubinko Drulovichni talablarida, ko'rsatmalarida o'zgarishlar, yangiliklar bormi?

- Drulovich bollardan mashg'ulotlarda  yuz foiz kuch bilan shug'ullanishni talab qiladi va jismoniy holatga jiddiy etibor beradi. O'z klublarimizga jo'nab ketayotganimizda qaysi jihat ustida ishlash kerakligini aytadi. 

- O'zbekiston milliy terma jamoasiga qarshi kechgan nazorat uchrashuvida himoyaga emas, balki hujumga ko'proq o'tdinglar. Bu o'yndan oldin o'ylangan rejamidi yoki hisobdan kelib chiqib shunday yo'l tutdinglarmi?

- Milliy terma jamoaga qarshi ajoyib o'yin bo'ldi deb o'ylayman. Bizda ham vaziyatlar bo'ldi, biroq golga aylantirishda ozgina qiynaldik. Murabbiy bo' o'yinda hammani sinovdan o'tkazib ko'rdi. Biz hujumkor o'yin ko'rsatdik, ammo tajriba o'z so'zini aytdi. 

- “Buxoro”Superliganing so'nggi turlarini ko'tarinki kayfiyatda o'tkazyapti. Poytaxt va Qarshidan ochko bilan qaytdi. Jamoa elitada qolish imkoniyatlarini qanday baholaysiz?

- Buxoroda hozir hammasi yaxshi ketmoqda. Bizninng maqsadimiz jamoani ligada olib qolish. Muhsin Muhammadiev buni eplay oladi. CHunki u yaxshi murabbiy va ajoyib inson.U bollarni g'alabaga ishontira olmoqda. Agarda shu tarzda o'ynashda davom etsak jamoani kuchlilar safida olib qolamiz. 

Abdulaziz suhbatlashdi