Ingliz futboli uchun rekord summa: "CHelsi" Kaysedoni sotib olmoqda
14 avg 2023 12:12
Yangiliklar

Ingliz futboli uchun rekord summa: "CHelsi" Kaysedoni sotib olmoqda

"CHelsi" "Brayton" futbolchisi Moyses Kaysedoni o'z safiga qo'shib olmoqda.

Ushbu transfer ingliz futboli uchun rekord bo'ladi. "Aristokratlar" ekvadorlik yarim himoyachi bilan 2031 yilgacha mo'ljallangan (yana bir yilga uzaytirish imkoniyati bilan) shartnoma imzolaydi. "CHelsi" futbolchi uchun 115 mln funt to'laydi va "Brayton" futbolchining keyingi sotuvidan foizga ega bo'ladi.

Ushbu transfer ingliz futboli tarixidagi rekord kelishuv bo'ladi. Avvalgi rekord iyul oyida Deklan Raysning "Vest Xem"dan "Arsenal"ga ko'chib o'tishi bo'lgandi.

Bungacha "Liverpul" Kaysedoni sotib olish uchun asosiy davogar sifatida qaralayotgandi va Yurgen Klopp "Liverpul"ning ushbu transferini tasdiqlashga ham ulgurgandi. Biroq yakunda "aristokratlar" "Brayton" futbolchisini ilib ketyapti.

Kaysedo 2022/23 yilgi mavsumda "Brayton" safida barcha turnirlarda 43 ta o'yin o'tkazib, 1 ta gol va 1 ta golli uzatmani amalga oshirgan.

Havola :

Manba : Goal

Yangiliklarni Telegramda o'qing!

Reyting: -5