Ilhom Qurbonov: "Miftaxuddinovning "Astana"ga ketishi albatta "Mashal" uchun katta yo'qotishdir"

SHu bois gazchilar mutaxassis bilan xayrlashishga majbur bo'ldi. Marat Valentinovichning Muborakdan ketishi xususida "Mashal" FK ijrochi direktori Ilhom Qurbonov shunday dedi.

- Ochig'ini aytganda, Marat Valentinovich bilan hamkorlikni kelgusi yilda ham davom ettirishni istagan edik. CHunki Miftaxuddinov tajribali murabbiy. U bilan bir mavsum ishlab, bir-birimizni ancha yaxshi tushunib olgandik. Ammo qanchalik og'ir bo'lmasin, mutaxassis keyingi taqdirini "Astana" bilan bog'lashni xohladi.

- Miftaxuddinov ko'p yillardan buyon Vadim Abramov bilan ishlab keladi. Karlenovich yangi jamoasiga uni ham taklif etdi va Marat aka uni rad eta olmadi. Nima ham derdik, bu  futbol! Unda shunaqa xolatlar ham uchrab turadi.

- Bir tomondan Marat akaning UEFA jamoasi bo'lmish, "Astana"ga o'tganidan xursand bo'ldik. Sababi o'zbek murabbiylarining xorij klublarida ishlashi ham mamlakatimiz futboli obro'sini yanada oshiradi. Istardimki, Abramov  Miftaxuddinov juftligidan tashqari qolgan murabbiylarimiz ham chet elda klublarini boshqarishini.

- SHuning uchun ham Miftaxuddinov bilan bir-birimizga kelgusida omad tilagan xolda, do'stona xayrlashdik.

- Marat aka ham klubni tark etayotganida ancha moslashib qolganini, jamoa bilan xayrlashish og'ir bo'layotganini takidladi. Biroq murabbiy har qanday vaziyatda ham doimo Vadim Abramovning taklifini qabul qiladi. CHunki ular ilgari ham birga hamkorlik qilishgan. Astanaga chaqirganida ham yo'q deya olmadi.

- Bo'shab qolgan o'ringa qaysidir murabbiyni olib kelishimiz mumkin bo'ladi. Lekin hozircha bu haqda jiddiy o'ylab ko'rmadik. Qarashlarimizga mos tushadigan murabbiy topsak, albatta uni yordamchilikka taklif etamiz. 


Islombek Rustambekov suhbatlashdi