Ilhom ismli futbolchilar "Nasaf"ga "Bunyodkor" ustidan g'alabani taqdim etishdi

Oliy liga, 8-tur.

Nasaf (Qarshi) – Bunyodkor (Toshkent) 2:0
Hakamlar: V. Ceytlin (Toshkent), H. SHodmonov (Buxoro), A. Capenko (Toshkent viloyati), O. Tuychiboev (Toshkent)
Nazoratchi: G'. Karimov (Toshkent).

Gollar: Ilhom Yunusov (10 - Artur Gevorkyan assistent), Ilhom SHomurodov (77 - Kenja To'raev assistent)

"Nasaf": Eldorbek Suyunov, Botir Qoraev, Kenja To'raev (Maqsud Karimov, 83), Artur Gevorkyan, Igor Taran (Ilhom SHomurodov, 60), Erkin Boydullaev, SHerzod Azamov, Ilhom Yunusov (Alisher Yusupov, 89), SHuhrat Muhammadiev, Hamza Karimov, Farruh Sayfiev.
Zaxiradigalar: Mixail Naumov, Maqsud Karimov, Akram Bahritdinov, Ilhom SHomurodov, Laziz Ubaydullaev, Alisher Yusupov, Ulug'bek Dadaboev.

"Bunyodkor": Akbar To'raev, Akmal SHorahmedov, Hayrulla Karimov, Anvar G'ofurov, Javlon Ibrohimov (Dilshod Jo'raev, 16), Anvar Berdiev, Oleksandr Pishur, Karles Koto, Sardor Sobirxo'jaev (Vohid SHodiev, 66), Oleg Zoteev (Sardor Rashidov, 58), Sergey Simonenko.
Zaxiradagilar: Pavel Bugalo, Dilshod Jo'raev, Alibobo Rahmatullaev, Vohid SHodiev, Islom Inomov, Bobirjon Akbarov, Sardor Rashidov.
Ogohlantirishlar: Sergey Simonenko (40), Botir Qoraev (62), Eldor Suyunov (69), Ilhom Yunusov (71), Akmal SHorahmedov (72)


                               MATNLI TRANSLYACIYA
                                         YANGILASH


"Nasaf" Qarshida "Bunyodkor"ni mag'lub etdi.

Uchrashuv yakunlandi!

90+4` Arturning yo'llagan zarbasi jonli devorga tegib qaytdi.

90+3` Ilhom SHomurodovga nisbatan qoida buzildi. Jarima zarbasi. Yaxshi vaziyat va yaxshi nuqta.

90+2` "Bunyodkor"ning hujumlarini bugun Eldor Suyunov bartaraf etishdan sira charchamayapti.

90` Uchrashuvga 4 daqiqa vaqt qo'shib berildi.

89` Ilhom Yunusov o'rniga Alisher Yusupov maydonga tushdi.

88` "Nasaf" futbolchilari keskinlik pasaytirishmoqda.

87` "Nasaf" hozircha bexato himoyalanmoqda.

85` Ajoyib manzara! CHiroyli muhit! Qani endi Oliy ligamizning barcha o'yinlarida shunday muhit hukm sursa... Futbol muxlislar bilan shiddatli va chiroyli.

84` "Bunyodkor"ni yo'qotadigan narsasi qolmagan. Endi faqat va faqat oldinga qarab borish kerak.

83` Kenja To'raev o'rniga Maqsud Karimov tushirildi. Tushunarli, Ro'ziqul Berdiev buyog'iga himoyani o'ylashga majbur.

82` Qarshi "Markaziy" stadioniga yig'ilgan muxlislar jo'r bo'lib, "Nasaf" deb o'z sevimli jamoalarini olqishlashmoqda. Ha, ular bugun har qancha olqishlarga haqli o'yin ko'rsatishmoqda! Qoyil!

81` Burchak to'pidan mehmonlar unumli foydalana olishmadi.

80` "Bunyodkor" endi butun jamoa bo'lib oldinga bormoqda. Burchak to'pi.

79` Ajoyib bahs! SHiddatli o'yin! "Nasaf" bugun chempionatimizning amaldagi g'olibiga etarlicha qarshilik ko'rsatmoqda va haqli ravishda hozircha hisobda oldinga bormoqda.

77` GOOOOOOOOOOOOOOOOOL! Ilhom! SHomurodov! Kenja To'raevning uzatib bergan to'pini SHomurodov boshi bilan Akbar To'raev qo'riqlayotgan darvozaga ikkinchi golni kiritdi.

75` "Bunyodkor" futbolchisiga nisbatan qo'pollik. Jarima zarbasi.

74` Kenja To'raev familiyadoshi Akbarni kuchli zarbasi uzoqdan tekshirib ko'rmoqchi bo'ldi. Lekin zarbaga aniqlik etishmadi.

73` Sardor Rashidov yiqilib tushdi. Hakam unga o'rnidan turishi kerakligini va penalti yo'qligini tushuntirdi.

72` Endi navbat Akmal SHorahmedovga etib keldi. Akmal ham sariq kartochkani ishlab oldi.

71` Ilhom Yunusov ham ogohlantirildi.

70` Bugungi uchrashuvni tomosha qilish uchun stadionga 15889 tomoshabin tashrif buyurgan.

69` Eldor Suyunov to'pni o'z vaqtida o'yinga kiritmagani uchun Ceytlin tomonidan sariq kartochka bilan siylandi.

68` SHerzod Azamovning jarima zarbasidan yo'llagan zarbasi xavfli ko'rinish oldi.

66` Sardor Sobirxo'jaev o'rniga Vohid SHodiev tushirildi.

65` Mehmonlarni o'z ortidan ergashtira oladigan futbolchi etishmayapti...

64` "Bunyodkor" oldinga intilmoqda. Lekin ularni rejalarini maydon egalari payqab qolishmoqda. Hozircha mehmonlar o'zlari xohlagan vaziyatlarni yarata olishmayapti.

63` Sardor Rashidov o'yindan tashqari holatda qolib ketdi.

62` Botir Qoraev hakam tomonidan ogohlantirildi.

60` "Nasaf" safida ilk o'zgariy bo'ldi. Igor Taran o'rniga Ilhom SHomurodov tushdi.

59` Ro'ziqul Berdiev jamoasi himoyasi bugun ishonchli to'p surmoqda.

58` "Bunyodkor" tarkibida o'zgarish. Oleg Zoteev o'z o'rnini Sardor Rashidovga bo'shatib berdi.

57` Vuhhhh! "Bunyodkor"ning xavfli hujumi. Yana Eldor Suyunovning aniq harakati "Nasaf"ni goldan qutqarib qoldi.

55` Bugungi bellashuvda yakka-kurashlar juda keskinlik bilan davom etmoqda.

54` "Nasaf" tashabbusni o'z qo'liga oldi. Kenja To'raev hozir o'zining kuchli zarbasi bilan Akbar To'raev darvozasiga ikkinchi golni kiritishiga sal qoldi... Zarba ha biroz aniqlik etishmadi.

53` Farruh Sayfievning sust harakati mezbonlar hujumini yakuniga etmay qolishiga sabab bo'ldi.

52` Karles Koto chiroyli tarzda o'ynadi. Ispaniyalik futbolchi ikki himoyachini ortda qoldirdi va jarima maydonchasiga kirib borayotgandi. Lekin Ilhom Yunusov qaerdandir paydo bo'ldi va to'pni undan olib qo'ydi. Ikkala futbolchiga ham tassano desak bo'ladi bu vaziyatda.

51` "Bunyodkor" ikkinchi taymda yaxshi "pressing" qo'llamoqda va raqibiga oldinga o'tish imkonini bermayapti.

50` Karles Kotoning noaniq to'p uzatishi mehmonlarning hujumini buzib qo'ydi.

49` Anvar Berdievga tibbiy yordam ko'rsatildi.

48` "Bunyodkor" futbolchilari to'pni o'zlarida saqlab turib, hujumga o'tishga urinishmoqda.

46` Ikkinchi bo'lim boshlandi!

Mirjalol Qosimov ham Qarshi "Markaziy" stadionida


Birinchi bo'lim statistikasi:
Zarbalar - 2:5
Aniq zarbalar - 1:1
Qoida buzilish - 6:8
Offsayd - 1:3
Burchak to'plari - 1:1
Ogohlantirish - 1:1

45+2` Birinchi bo'lim tugadi. TANAFFUS!

45` Birinchi bo'limga uchrashuv bosh hakami Vladislav Ceytlin 2 daqiqa vaqt qo'shib berdi.

44` Pishurning jarimadan yo'llagan zarbasi ikkita futbolchiga tegdi va o'z yo'nalishini o'zgartirdi. Sergey Simonenkoning 15-metrlar masofadan tepgan to'pi birozgina noaniq chiqdi. To'p to'g'ri borganida tablodagi hisob tenglashishi muqarrar edi...

43` "Bunyodkor" futbolchilari jarima zarbasi tepish huquqini qo'lga kiritishdi. To'p oldida Pishur. Xavfli bo'lishi mumkin...

42` Igor Taranga biroz tezlik etishmadi. Biroz chaqqonroq o'ynaganida, o'zi uchun qulay vaziyatga ega bo'lishi mumkin edi...

40` Artur Gevorkyanga tibbiy yordam ko'rsatilmoqda.  Sergey Simonenko esa sariq kartochkaga loyiq deb topildi. Ukrainalik futbolchi maydon markazida Arturga nisbatan qoidani buzgan edi.

39` Uhhhh! "Bunyodkor" uyg'ondi! Anvar Bediev va Pishur to'pga zarba berishda biroz kech qolishdi. Aks xolda hisob tenglashishi mumkin edi...

38` Bugungi o'yin bekorga markaziy bahs maqomiga ega emasligini isbotlamoqda.

37` Hujumlar davom etmoqda. Endi mehmonlar raqib darvozasi oldida xavfli vaziyat sodir etishdi. Oleg Zoteevning darvoza tomon yo'llagan zarbasiga aniqlik etishmadi.

36` Ilhom Yunusov!!!! Bugun ushbu futbolchi juda faol. Ilhom hozir o'zining faol harakatlari bilan "qaldirg'ochlar" himoyachilarini talvasa solib qo'ya oldi.

35` "Nasaf"ning ketma-ket hujumlari. Qoraevga nisbatan o'yin qoidasi buzildi. "Nasaf" uchun imkoniyat paydo bo'ldi.

34` "Nasaf" jarima to'pidan samarali tarzda foydalana olmadi.

33` Bu vaqtga kelib, stadion muxlislar bilan to'lib toshdi.

32` Hayrulla Karimov Igor Taranga nisbatan qo'pol o'ynadi. Jarima to'pi.

31` Maydon markazida Erkin Boydullaev bugun "xo'jayinchilik" qilmoqda.

30` "Bunyodkor" ushbu standart vaziyatidan ham foydalana olmadi. Aniqrog'i, Eldor Suyunov bunga yo'l qo'ymadi.

29` "Bunyodkor" qarshi hujumda harakat qildi. Anvar Berdiev yuqori tezlik olib, raqib darvozasi tomon kirib bordi va zarba berdi. To'p esa yo'l-yo'lakay Botir Qoraevga tegdi va o'z yo'nalishini o'zgartirdi. Burchak to'pi.

28` Haaa, "qaldirg'ochlar" himoyasi biroz "charchab" qolganligi ko'rinmoqda. Hayrulla Karimov sal bo'lmasa Kenja To'raevga shundoqqina gol urishiga imkoniyat yaratib beray degandi...

27` Eldor Suyunov jonbozlik ko'rsatdi va xavfni bartaraf etdi.

26` "Bunyodkor" jarima to'pi tepadi.

25` Maydon egalari jamoaviy o'yin ko'rsatishda "qaldirg'ochlar"dan ustunlik qilishmoqda.

23` Dilshod Jo'raev maydon markazida oddiy vaziyatda xatoga yo'l qo'ydi va to'pni Taranga oldirdi. Igor Taran to'pni Arturga etkazib berib hujumni rivojlantirmoqchi edi. Lekin Gevorkyan sirpanib ketdi va to'pni qo'yqotdi.

22` SHuhrat Muhammadiev va Artur Gevorkyan bugun "Bunyodkor"ning chap qanot himoyasini ancha qiynab qo'yishmoqda.

21` "Nasaf"ning hujumi. Qarshiliklar standart vaziyatiga ega bo'lishgan edi. Artur Gevorkyanning jarimadan etkazib bergan to'pini Hamza Karimov jamoadoshiga etkazishda hatoga yo'l qo'ydi.

20` Mehmonlar ancha faollashishdi. Aleksand Volkov shogirdlarini tabloda porlab turgan hisob qanoatlantirmasligi aniq. Ular o'z etiborlarini hujumga qaratishmoqda.

19` Eldorjon Suyunov!!! Oleg Zoteevning kuchli zarbasini "Nasaf" posboni bartaraf etib qoldi.

17` "Bunyodkor" futblchilari to'pni o'z nazoratlariga olishdi. "Nasaf" esa tartibli tarzda himoyalanmoqda.

16` Majburiy o'zgarish. Javlon Ibrohimov o'yinni davom ettira olmaydigan bo'ldi. Uning o'rniga Dilshod Jo'raev maydonga tushirildi.

15` "Bunyodkor"ning qanotdan tashkil etgan hujumi samara keltirmadi.

14` Uchrashuvda biroz to'xtalish yuzaga kelgandi. O'yin davom ettirilmoqda.

12` Javlon Ibrohimov o'zini yomon his etmoqda. Unga tibbiy yordam ko'rsatilmoqda.

10` GOOOOOOOOOOOL! Ilhom Yunusov! Artur Gevorkyanning faolligi "ajdarlar"ga samara keltirdi. Ara o'ng qanotdan ikki himoyachini dog'da qoldirdi va jarima maydonchasi ichiga yaqin kirib bordi. Uning pastlab uzatib bergan to'pini esa qarama-qarshi qanotdan etib kelgan Ilhom Yunusov darvozaga joylab qo'ydi.

9` Vuhhh! "Bunyodkor" himoyachilari nozik vaziyatda to'pni Akbarga uzatishdi. Akbar To'raev esa sal qolsa Kenja To'raevga to'pni berib qo'yishi mumkin edi... XAVFLI!

8` Uchrashuv keskinlik bilan davom etmoqda. O'yin darajasi yuqori.

7` Maydon egalari hujum uyushtirishmoqda. Akbar To'raev qanotdan uzatilgan to'pni egallab oldi. 

6` Kosonlik bo'lgan futbolchilar Hamza Karimov va Anvar Bediev to'p uchun kurashda biroz jarohat olishdi. Ularga tibbiy yordam ko'rsatilmoqda.

5` Kotoning harakatlarini Erkin Boydullaev payqab qoldi va to'pni undan olib qo'ydi.

4` "Nasaf"ning hujumi. Maydon egalari burchak to'pi ishlab olishdi. Erkin Boydullaevning darvozaga yo'llagan zarbasi noaniq chiqdi.

3` "Qaldirg'ochlar" chap qanot bo'ylab oldinga borishdi. Oleg Zoteev bu vaziyatda to'pni oldirdi. 

2` "Bunyodkor" hujum uyushtirish ilinjida oldinga borgandi. Lekin Pishur o'yindan tashqari holatda qolib ketdi...

1` Uchrashuv boshlandi! Qani kettik...

"Nasaf" ko'k, "Bunyodkor" esa oq rangli liboslarda harakat qilishadi.

Jamoalar PFL madhiyasi sadolari ostida maydonga chiqib kelishmoqda...

Bugungi o'yinni ko'rish uchun "Bunyodkor" futbol klubi ishqibozlar guruhi tashrif buyurishmagan.

Qarshi "Markaziy" stadionida 10 mingdan ortiqroq futbol ishqibozlari kelishgan va kelishda davom etishmoqda...

Sizningcha bugun qaysi jamoa g'alaba qozonadi? O'z fikr mulohazalaringizni bildirishingiz mumkin.

Ushbu bellashuvga bo'lgan qiziqish juda yuqori. Stadionga kelayotgan muxlislar oqimi davom etmoqda.

Bugungi uchrashuvni milliy terma jamoamiz bosh murabbiyi Mirjalol Qosimov ham stadiondan turib kuzatib boradi.

"Nasaf" matbuot kotibi Aziz Nuriy, "Bunyodkor" matbuot kotibi Bahodir Mirzaev va "SA"chilar N.Yuldashev, X.Xoliqov va SH.Beg'amov o'yin oldidan

PFL bosh direktori Farhod Magometov ham bugungi o'yinga kelgan


Javlon Ibrohimov


FIFA.UZ muxlislari va "Nasaf" muxlislari yoqimtoyi - Artur Gevorkyan

Alisher Yusupovning kayfiyati alo


Ilhom SHomurodov va terma jamoaga chaqiruv olgan SHuhrat Muhammadiev

"Nasaf" ham "Markaziy" stadionga etib keldi

Dilshod Jo'raev

Akmal SHorahmedov

Aleksandr Volkov - "Bunyodkor" bosh murabbiyi

"Bunyodkor" avtobusi stadionga etib keldi

Bugungi uchrashuv hakami Ceytlin stadionga kirib kelmoqda

"Nasaf" - "Bunyodkor" o'rtasidagi o'yinni Sizlar uchun SHahboz Beg'amov matnli onlayn translyaciyasini yozib boradi!
 
Assalomu aleykum qadrli futbol ishqibozlari!
Qarshi "Markaziy" stadionidandan yozamiz! Bugun Oliy liga 8-turning markaziy bahsi "Nasaf" - "Bunyodkor" bellashuvi bo'lib o'tadi.

- O'yin soat 19:00da boshlanadi.