Ilhom Hamroev: “Oldimizda Eron yoshlar terma jamoasiga qarshi nazorat uchrashuvi bor”

Ushbu bahsda vakillarimiz raqiblarini (5:3) hisobida mag'lubiyatga uchratishdi. Uchrashuvdan so'ng terma jamoamiz sardori Ilhom Hamroev o'z fikrlarini bildirdi.

“Tojikiston terma jamoasiga qarshi juda ham yaxshi o'yin bo'lib o'tdi. Raqiblarimiz ham yaxshi jmoa ekan, ularning qay darajada kuchga ega ekanini bilib oldik. Individual harakatlana oladigan futzalchilari bor ekan. Asosiy urg'uni darvozabonga bergan bo'lardim. CHunki Tojikiston terma jamoasini darvozaboni ko'p ishni qilar ekan.

Hozirgi kundagi vazifamiz mashg'ulotlarda ishlangan taktikalarni o'rtoqlik o'yinlarida qo'llashdan iborat. Nazorat uchrashuvlarida bosh murabbiyimizga natija muhim emas. Eng asosiysi o'z xatolarimiz ustida ishlashimiz kerak. Osiyo chempionati boshlangunga qadar biroz vaqt bor. Ushbu musobaqa boshlangunga qadar maksimal sport formamizga kirib olamiz.

Mashg'ulotlarda ko'proq teknikaga va taktikaga etibor qaratyapmiz. Murabbiylarimiz tomonidan o'rtoqlik o'yinlari rejalashtirilgan. Ustozlarimizning aytishicha oldimizda Eron terma jamoasiga qarshi nazorat uchrashuvi bizni kutib turibdi”, - deydi terma jamoa sardori Ilhom Hamroev.