Ikki nafar o'zbekistonlik yosh istedod egasi Germaniyada malaka oshiradi

Safar davomida nemis mutaxassislari maktab murabbiylarini o'z metodikalari bilan tanishtirgan holda, bolalar bilan qiziqarli mashg'ulotlarni o'tkazdilar.

Rejaga ko'ra, ular o'zlariga manzur bo'lgan bir nafar tarbiyalanuvchini Germaniyaga olib ketishlari kerak edi. Tarkibga yig'ilgan bir qator istedodli futbolchilar murabbiylarini ancha o'ylantirishga sabab bo'ldi. Natijada mehmonlar ikki nafar "JFL Tashkent" tarbiyalanuvchisini SHlotxaymdagi "JFL" akademiyasiga olib ketishga qaror qildilar.

"To'g'risini aytaman, maqtash emas. Sizlarda tarbiya topayotgan 2007 va 2008 yillarda tug'ilgan futbolchilar biznikilardan bir bosh ustun. Bizda bu yoshda endi-endi futbol o'ynashni o'rganishadi. Sal turtilib ketsa oyisini qidirib, yig'lab qolishadi. O'zbeklarda umuman aksini ko'rdik, shu yoshdanoq jiddiy futbol o'ynashayapti. Faqat o'tish bosqichida muammo bor ekan. Buni birgalikda echamiz", - deydi germaniyalik mutaxassis Sabrina Kurcner.

18 aprel kuni "Real Sosedad" safida Ispaniya Kubogi va Superkubogini qo'lga kiritgan Kiko Zuniga Toshkentga uchib keladi va 14 davomida O'zbekistonda bo'lib, "JFL Tashkent" bolalariga futbol sir asrorlarini o'rgatadi. Undan tashqari mehmon, Samarqand va vodiyda ochilishi rejalashtirilayotgan filialga tashrif buyuradi. SHuningdek, uch kun davomida Surxondaryoga ham safar qilish rejalashtirilgan.