II liga. Favoritlar to'qnashuvida omad “Obod”ga kulib boqdi

Kecha “Geofizika” stadionida “A” guruhining favoritlari – “Bunyodkor-Geofizika” va “Obod” jamoalari o'zaro to'qnash kelishdi. 15-daqiqada burchakdan oshirilgan to'pni boshi bilan mo'ljalga aniq yo'llab, Farruh Zokirov mehmonlarni oldinga olib chiqdi. Ikkinchi bo'lim boshlanishi bilanoq (46-daqiqada) “Bunyodkor-Geofizika” klubi ikkinchi golni ham o'tkazib yubordi. Himoyachilarning xatosidan Karimjon Nurmatov unumli foydalandi. Principial o'yinda asosiy raqibga 0:2 hisobida boy berish mezbonlar ustozi Sergey Nining rejalarida aslo yo'q edi. Ammo maydonda aynan shunday holat yuz berdi. 75-daqiqada bosh hakam Igor Hudoydotov ikkinchi sariq kartochka uchun “Obod” himoyachisi G'ayrat Umirovni maydondan chetlatdi. Va bu narsa “Bunyodkor-Geofizika”ga tezda foyda keltirdi. 77-daqiqada ular penalti tepish huquqini qo'lga kiritishdi. “Nuqtaga” tajribali Yashar Mutalibov yaqinlashdi va hisobni qisqartirdi. Ammo bundan ortig'iga mezbonlar o'zlarida qo'shimcha kuch topa olmadilar hamda mag'lubiyatni tan olishga majbur bo'ldilar – 1:2.

Guruhning ikkinchi bellashuvida “Bunyodkor” “O'zDong-Ju”ni 4:3 hisobida engdi. Etiborlisi, yosh “qaldirg'ochlar”ning gollariga, avvalgi o'yinlarda bo'lgani kabi, yana Vladislav Nuriev (3ta) hamda Ibrohim G'ofurov mualliflik qilishdi.

“A” guruhi jamoalari bugun dam olishdi. “B” guruhi ishtirokchilari esa kecha dam olishgandi. Ular 3-tur bahslarini bugun o'tkazishdi.

Ulug'bek Mirzaev

O'zbekiston chempionati. II liga. Final bosqichi
“A” GURUHI
3-tur. 30 noyabr
Bunyodkor-Geofizika - Obod 1:2
Bunyodkor - O'zDong-Ju 4:3

Turnir jadvali            O'  O  T-N

1. Obod                            3  9  5-1

2. Bunyodkor                     3  3  4-3

3. Bunyodkor-Geofizika     2  3  1-2

4. O'zDong-Ju                    2  1  4-5

5. Dinamo                         2  1  1-4

4-tur. 2 dekabr
Bunyodkor-Geofizika – O'zDong-Ju
Dinamo – Bunyodkor
5-tur. 3 dekabr
Bunyodkor-Geofizika – Dinamo
Obod – O'zDong-Ju
------------------------------------------------------
“B” GURUHI
3-tur. 1 dekabr
Tolachi – Bahor-Geolog 1:2
Mashal – G'ijduvon 1:3

Turnir jadvali       O'  O  T-N

1. G'ijduvon                 3  9  7-1

2. Mashal                   2  3  6-4

3. NDPI                      2  3  4-2

4. Bahor-Geolog           2  3  2-5

5. Tolachi                     3  0  2-9

4-tur. 2 dekabr
Bahor-Geolog – Mashal
NDPI – Tolachi
5-tur. 3 dekabr
Mashal – NDPI
G'ijduvon – Bahor-Geolog