Hussayin Faraki: "Bunyodkor"ni tubdan o'rgandim"

Uning birinchi qismida "Fulad" bosh murabbiyi Hussayin Faraki va jamoa sardori Baxtiyor Rahmoni qatnashdi.

"Al Jaish" va "Al Fath" jamoalariga qarshi yaxshi o'yin ko'rsatgan holda 4 ochko jamg'arishga muvaffaq bo'ldik. Bu biz uchun yaxshi ko'rsatkich. Navbatdagi raqibimiz "Bunyodkor". Toshkentliklarga qarshi tayyorgarligimizdan qoniqish hosil qildim. Jamoani tubdan o'rgandim. Qolaversa "Bunyodkor" O'zbekiston milliy terma jamoasiga o'xshash uslubda harakat qiladi. Biz MTJ o'yinlarini ham kuzatdik. Ertaga yaxshi o'yin bo'lishi aniq", - deb gap boshladi "Fulad" bosh murabbiyi.

Jamoa sardorining fikri qisqacha ko'rinish oldi:
- Toshkentga ikki kun avval tashrif buyurdik. Bu tayyorgarlik yo'lida muhim ahamiyat kasb etadi. Ertaga murabbiyimiz takidlaganidek g'alaba uchun maydonga chiqamiz.

- O'zingizni kuchli tomonlaringizdan kelib chiqib, "Bunyodkor"ning ojiz tomonlari nimada deb o'ylaysiz?
- "Bunyodkor"da yaxshi o'yinchilar harakat qiladi. Raqibning ojiz tomonlarini ko'rsatish to'g'ri bo'lmasa kerak. Jamoada yosh va tajribali futbolchilar yig'ilgan. Menimcha Qosimov ko'proq tajribali futbolchilarga tayanadi.

- Ertaga g'alaba qozonishingizga ishongan holda gapiryapsiz?
- Bu futbol. Durang ham biz uchun yaxshi. Ammo har qanday jamoa o'z oldiga g'alabani maqsad qilishi kerak.

- Bu oydagi asosiy vazifa nimadan iborat, OCHL guruhidan chiqishmi yoki mamlakat chempionatida chempionlikni qo'lga kiritish?
- Asosiy vazifa mamlkat chempionligini qo'lga kiritish. Bugunga kelib birinchi o'rinda turibmiz va qolgan uchta o'yinni yutsak chempion bo'lamiz. Undan keyingi vazifa OCHL.