Humoyun Murtazoev: "Oliy ligada ham to'purar bo'lmoqchiman"

- Humoyun siz bir necha yildan buyon yoshlar ligasi to'purari hisoblansiz. Bu yilda esa birinchi ligadagi "Mashal-2"da harakat qilmoqdasiz. Bu nima bilan bog'liq.

Ortda qolgan uch yilda faqat yoshlar ligasida to'purar bo'lib keldim. "SHurtan" safida 2011 va 2013 yilda faqat yoshlar ligasida maydonga tushdim. Faqatgina 2013 yilning oxirgi uchrashuvlarida asosiy tarkibda harakat qildim. Yoshlar ligasi bilan oliy liga o'rtasida katta farq bor. oliy ligaga o'tish uchun ko'proq o'yin amaliyoti kerak edi. SHu bois "Mashal-2" jamoasini tanladim. "SHurtan" birinchi ligaga tushib ketgandan so'ng ham jamoada qolsam bo'lar edi lekin menga "Mashal-2" maqul keldi. Bu jamoada yoshlar tarkibidagi yaxshi uchrashuvlar orqali asosiy tarkibga o'tish mumkin.

- Yoshlar ligasida muntazam barqaror o'yin ko'rsatib kelayotgan hujumchiga nega asosiy tarkibdan joy topilmaydi deb o'ylaysiz?

Bu borada murabbiylar fikri boshqqacha. Yoshlar ligasi bilan asosiy tarkib o'rtasida farq bor. Kam-kam o'ynab amaliyotni oshirish kerak. “SHurtan”da ikkinchi mavsum maydonga tushib keldim. Afsuski, “SHurtan” oliy ligani tark etdi.Bu yilning ikkinchi mavsumini oliy ligada o'tkazib o'zimni ko'rsatmoqchiman. Maqsadim ham oliy liga to'purari bo'lish.