Hazim Saym: "Oldimizda yana ikkita o'yin bor"

- Bugungi o'yin haqida qanday fikr bildirasiz? Jamoadoshlaringiz o'yinidan qoniqish hosil qildingizmi?
- Yaponiyadek kuchli terma jamoaga qarshi o'ynash juda qiyin. Bundan avvalgi musobaqada ular bekorga Osiyo chempioni degan nomga sazovor bo'lishmadi. Bugun mag'lub bo'lgan bo'lsak ham jamoadoshlarimning va o'zimning ko'rsatgan o'yinim menga yoqdi. Kuchli terma jamoaga (0:1) hisobida mag'lub bo'lganimiz menimcha bu yomon natija emas. Mag'lub bo'ldik ammo bitta to'p farqi bilan. Biz musobaqaning 1–turni o'tkazdik. Oldimizda yana ikkita o'yinimiz bor.

- Keyingi o'yinda Malayziya terma jamoasiga qarshi saf tortasizlar. Ushbu o'yindan oldin qanday fikr bildirasiz?
- Bugun 3 ochko yo'qotdik. Keyingi o'yinda ushbu ochkolarni olishga harakat qilamiz. To'g'ri raqib jamoa ham kuchli, lekin Malayziya terma jamoasiga qarshi o'yinda bor kuchumz bilan harakat qilamiz. Umid qilamanki dastlabki 3 ochkoga ega bo'lamiz.  

Jahongir Sotvoldiev suhbatlashdi.