Hamidjon Aktamov: "Namanganda hamma jamoa ham ochko ololmaydi"

"Ikkala jamoa hujumkor, qiziqarli o'yin namoyish etishdi deb o'ylayman. Menimcha bugun g'alabaga munosib harakat qildik. Ikkala jamoada ham yangi futbolchilar ko'p, shu bois ular bir-birini tushunib ketishi uchun vaqt kerak bo'ladi. Namanganda boshqa muxlislarga o'rnak bo'la oladigan muxlislar bor.

Barqarorlikni ushlay olmaganimiz uchun tarkibdagi ko'plab futbolchilarni almashtirdik. Namanganda hamma jamoa ham ochko ololmaydi.

Agar hozir tayyorgarlik kuchliroq bo'ldi desam Xojiboy Tojiboevning "erni chuqurroq haydadik" degan latifasiga o'xshab qoladi.

"Navbahor" bugun yomon o'ynagani yo'q, ko'p hujum qildi, ammo bizning futbolchilar qanday topshiriq berilgan bo'lsa barchasini bajarishdi", - deydi Hamidjon Aktamov.

"Bugun qiziq o'yin bo'ldi. Biz g'alaba qozonishni ko'proq istagandik va natijaga erishdik. Aslida jarohatim bor edi, bugun maydonga tushishim so'roq ostida edi. Ammo murabbiy menga ishondi va maydonga tushirdi. ", - deydi o'yinning eng yaxshi futbolchisi Doston Ibragimov.


Bekzod Tolibov Namangandan maxsus