Hamidjon Aktamov matbuot anjumanida muxlislarga murojaat qildi!

- G'alaba uchun barchaga rahmat. Toshkentga faqat g'alaba maqsadida tashrif buyurgandik. Xudoga shukur, muhim uch ochkoni qo'lga kiritishni uddaladik. Avvalambor Navoiydan kelgan 500dan ortiq muxlislarimizga katta rahmat aytmoqchiman. Ular bizni juda faollik bilan qo'llab-quvvatlashdi. Futbolchilarimiz barcha berilgan ko'rsatmalarni to'liq bajarishdi. Tan olish kerak, bugun jamoamiz kuchli o'ynadi. "Bunyodkor"ga nisbatan bizda gol urish uchun vaziyatlar ko'p bo'ldi. O'yinga o'z rejamiz bor edi. Bizda "A" reja hamda "B" reja uchrashuv boshlanishi oldidan mavjud edi, - dedi Hamidjon Aktamov.

SHu o'rinda "Qizilqum" bosh murabbiyi Hamidjon Aktamov muxlislarga alohida murojaat qildi:

- Muxlislarga iltimos qilaman, futbolda g'iybat, futbolchilar, murabbiylarni orqasidan gap qilish kerak emas. Futbolchilar ham, murabbiylarni ham ruhan ko'tarish kerak. Qachonki ularni ruhan ko'tarib, ularga dalda bersak, futbolimiz rivojlanadi. Futbolda ko'p narsa ruhiy tomonlama tayyorlanishga bog'liq. Hozir barcha futbol o'ynashni biladi. SHuni iltimos qilardimki, meni bu gaplarimni barcha o'qishini, eshtishini iltimos qilaman. Boshqa gapim yo'q. Bizga g'alaba kerak edi va buni uddaladik. Bu futbol. Unda kimdir yutadi, kimdir esa yutqazadi. "Bunyodkor"ga keyingi bahslarda omad tilayman.

Jasur Hasanov ham, Artur Gevorkyan ham zo'r o'ynashdi. Ularning bugungi g'alabaga qo'shgan hissalari salmoqli. Futbolchilarimga meni ko'zim bilan qarang, ular qanday zo'r o'ynashganini ko'rasiz.