Hakimjon Fayziev: "Anvar Berdievning jamoamizga qo'shilganligidan xursandmiz"

Bugun mavsumdagi dastlabki uchrashuvimizni o'tkazdik. Bugun mehmon maqomida uchrashuv o'tkazdik. “Iftixor” ham Farg'ona viloyati jamoasi hisoblanadi. Bugun g'alaba qozongan bo'lsakda, jamoamiz futbolchilari o'zlarining to'liq mahoratlarini namoyish eta olishmadi. Nasib qilsa, yaxshi niyat qilamiz, keyingi uchrashuvlarda bundanda chiroyli futbol namoyish etamiz deb o'ylayman.

Hali o'z ustimizda ko'p ishlashimiz kerak, oldinda bizni qiyin uchrashuvlar kutib turibdi. Tarkibimizda yangi futbolchilar bor, ular jamoaga moslashib ketgunga qadar bir oz vaqt zarur bo'ladi. Bu yilgi mavsumda jamoamizning asosiy qismini yosh futbolchilar tashkil etmoqda. Uchrashuvning ikkinchi bo'limida zahiradan maydonga tushgan Anvar Berdiev juda chiroyli gol kiritdi, albatta uning jamoamiza kelib qo'shilganligidan biz juda xursandmiz.


Bekzod Tolibov yozib oldi.