Hakim Fuzaylov: "Bunday issiq havoda futbolchilar tez charchab qolishadi"

"O'yin haqida nima deyishim mumkin? Oldin ham aytgandim, Pro ligada kuchsiz klubning o'zi yo'q. Barcha jamoalar deyarli tengkuchli bo'lib, har o'yinda g'alaba uchun intilishmoqda, har bir bahsga jiddiy tayyorlanishmoqda. Mazkur uchrashuvda ikki jamoada ham yutish imkoniyati bor edi. Yakunda biz g'alaba qozondik. 

"Olimpik" bilan Toshkentdagi o'yindan keyin tayyorgarlik uchun vaqtimiz oz edi. Qiyin o'yinga qaramay, jamoamiz yaxshi o'yin namoyish etib g'alaba qozondi. Bugun biz kabi raqib ham g'alabani ilib ketishi mumkin edi. Bu borada omad bizga kulib boqdi va muhim ochkolarni qo'lga kiritdik. 

G'alabaning asosiy omili? Eng avvalo futbolchilarning o'z kuchini to'liq ishga solib, g'alabaga bo'lgan ishtiyoqi bizga g'alaba keltirdi. Ammo o'yin bo'yicha jamoamizda charchoq alomatlari sezildi, bunday issiq havo sharoitida futbolchilar tezroq charchab qolishadi",- deydi Hakim Fuzaylov

- Oxirgi ikki safar o'yini – oldingi tur "Olimpik" (1:2) va bugun "Yangier" (1:2) bilan bahsda jamoangiz birinchi gol o'tkazib yubormoqda, keyin esa irodali g'alabaga erishayapti. Bu nima bilan bog'liq?

- Yigitlar xarakter ko'rsatishmoqda. O'yinga tushayotgan har bir futbolchi borki, maydonda borini berayapti. Aynan shu kurashuvchanlik bizga g'alaba keltirmoqda.

"Yangier"? Ularga qarshi birinchi davradagi o'yinimiz ham, bugungisi ham tengkurashlar ostida kechdi, bu jamoada yaxshi o'yin shakllangan.  

Maqsad? Oldimizdagi vazifa Superligaga chiqish. Ammo faqat biz emas, Pro liganing kamida 5-6ta klubi Superliga yo'llanmasiga ega chiqmoqchi. SHu bois yozda tarkibimizni kuchaytirishimiz lozim.