Gvardiola "Manchester Siti"ning qimmat futbolchisida yarim himoyada o'ynash uchun zarur bo'lgan muhim fazilatni ko'rmayotganini aytdi
08 apr 16:20
Yangiliklar

Gvardiola "Manchester Siti"ning qimmat futbolchisida yarim himoyada o'ynash uchun zarur bo'lgan muhim fazilatni ko'rmayotganini aytdi

"Manchester Siti" bosh murabbiyi Pep Gvardiola jamoaning 53 mln funt sterlingga tushgan portugaliyalik legioneri Mateus Nunesni yarim himoyada o'ynash uchun etarlicha aqlli emas deb hisoblamoqda.

"Siti"ning MYU bilan "Old Trafford"da 0:0 hisobida durang o'ynagan o'yinidan so'ng Nunes yana o'ng qanot himoyachisi poziciyasida maydonga tushgandi. Gvardiola matbuot anjumanida yarim himoyachi uchun zarur bo'lgan muhim fazilatni aytib o'tdi va uning fikricha, bu narsa Nunesda yo'q.

Pepning aytishicha, Mateus Nunesda maydon markazida to'p tepish uchun sovuqqonlik etishmayapti, biroq o'ng qanot himoyachisi o'rnida istiqboli borligini takidlamoqda.

"U jismoniy tayyorgarligi tufayli yaxshi o'ng qanot himoyachisiga aylanishi mumkin. Menimcha, u markazda o'ynashi kerak bo'lgan futbolchi emas, chunki u etarlicha aqlli va ziyrak emas", – dedi Gvardiola.

"Siti" Nunesni 2023 yilda 53 mln funt sterlingga yarim himoya uchun sotib olgandi. So'nggi o'yinlarda u yanvar oyida Italiyaning "Milan" klubiga ijaraga berilgan o'ng qanot himoyachisi Kayl Uokerning o'rnini egallamoqda.

"Manchester derbisi"dan keyin "shaharliklar" 52 ochko bilan beshinchi o'rinda bormoqda.

Havola :

Manba : Daily Mail

Yangiliklarni Telegramda o'qing!

Reyting: +2