G'ulom O'runov: "Neftchi" O'zbekistonning kuchli jamoalardan biri sanaladi"

Mana shunday futbolchilardan biri G'ulom O'runovdir. Ushbu o'yinchi jarohati borligi sabab ikkinchi davraning dastlabki uchrashuvlarida maydonga tusha olmaydi. Yaqin klub qarorgohida bu futbolchi bilan qisqacha suhbatlashdik. 

- G'ulom, kayfiyatlar qanday? Jamoada sizni qanday kutib olishdi?
- Jarohatimni hisobga olmasak hammasi joyida. Farg'onada meni yaxshi kutib olishdi. Hozir asosan jarohatimni davolatish bilan bandman. Bir necha kundan keyin umumiy guruh bilan mashg'ulotlarga kirishaman. O'ylaymanki, tez orada jamoa o'yiniga moslasha olaman.

- Eshtishimizga qarganda, sizga boshqa jamoalardan ham takliflar tushgan ekan. Nega aynan “Neftchi”ni tanladingiz?
- “Neftchi” O'zbekistonning kuchli jamoalardan biri sanaladi. Bu jamoada tajribali murabbiylar jamlanishgan. Qolaversa, aynan farg'onaliklar transferimni sotib olishga erishishdi.

- Farg'onaliklar bilan qancha muddatli shartnoma imzoladingiz?
- “Neftchi” bilan tuzgan bitimim yil oxiriga qadar mo'ljallangan.

- SHartnomani uzaytirish niyatingiz bormi?
- Buni endi vaqt ko'rsatadi. Oldindan bir narsa deyish mushkul. Hozirgi holatda tezroq safga qaytib, “Neftchi”ning g'alabalariga o'z hissamni qo'shmoqchiman.

Abror Dehqonov suhbatlashdi