Grigoriy Kolosovskiy: “Natija “Andijon” uchun va biz uchun ham qoniqarli bo'lgani yo'q, ammo namoyish etgan o'yinimizdan qoniqdim”

— Ikki jamoa ham 90 daqiqa davomida ancha etiborli bo'ldi. Biz etarlicha vaziyatlarga ega bo'ldik, biroq raqib ham darvozami tomon ko'p marotaba xavf soldi. “Andijon”ni o'rganib chiqqandik va standart vaziyatlardan yaxshi foydadana olishidan xabardor edik. Raqibning qarshi hujumlari ham ancha xavfli. Biz barchasiga tayyer edik. Bubanyaning gavdasi yirik va bu bizga noqulaylik tug'dirdi. Ikkinchi qavatda raqibga qarshi haqiqiy “kurash” qo'llashga majbur bo'ldik. “Andijon” shunday o'yin namoyish etishini kutgandik.

— Raqibning bo'yi baland futbolchilari haqida gapirib o'tdingiz, aynan shularga qarshilik ko'rsatish uchun bo'yi baland hujumchi Sekulichni nega maydonga tushirmadingiz? 

— Menimyaa, Sekulich boshi bilan etarlicha yaxshi o'ynay olmaydi. U to'pni yaxshi saqlab qola oladi, biroq bugungi uchrashuvda bizga tezkor futbolchilar kerak edi. Tajribali O'rinboev to'pni yaxshi saqlab qola oldi va zarba beradigan nuqtagacha etib bordi, lekin raqib himoyachilari qoida buzish bilan uni to'xtatishdi. Sekulich biroz boshqacharoq turdagi futbolchi, unga keyingi bahslarda imkoniyat berishimiz aniq.

— Bugungi qo'lga kiritilgan bir ochkodan ko'nglingiz to'ldimi?

— Natija meni qoniqtirmagani aniq. Bu bizning nechbnchidir durangimiz. O'z joyimizdan siljimayapmiz. “Lokomotiv” bugun mag'lubiyatga uchoadi va bizga “sovg'a” taqdim etdi, ammo gol ura olmayapmiz va g'alaba qozonmayapmiz. Vaziyatlarimiz bor, lekin gol yo'q. Qaerdadir mahorat yoki omad etishmayapti. Raqib darvozasi tomon yaqinlashganimizda qoidani buzishmoqda va fol. Natija “Andijon” uchun va biz uchun ham qoniqarli bo'lgani yo'q, ammo namoyish etgan o'yinimizdan qoniqdim. Ishlashda davom etamiz. Oldinda o'yinlar bor. Keyingi bahs “Navbahor”ga qarshi kechadm. Ular yaqinda finalni boy berishdi.