Geynrix tanqidchilar etiborini qozonmoqda

Nima deganda bu jamoa Toshkentga eng yaqin shahar vakili bo'lib, u erda terma jamoamiz azosi Aleksandr Geynrix to'p suradi.

Sashani aslida mazkur klubga O'zbekistonda “Mashal” va “Nasaf”da faoliyat olib borgan rossiyalik mutaxassis Viktor Kumikov taklif qilgandi. Boshida bir yillik shartnoma tuzildi va keyinroq yana cho'zildi. Kumikov o'tgan yil komandadan ketdi va o'rniga bir vaqtlar Qozog'iston terma jamoasini boshqargan Baxtiyor Bayseitov keldi.

Joriy mavsum ikkinchi davra boshida Ordabasi juda qiyin vaziyatga tushib qoldi. Natijada bosh murabbiy Baxtiyor Bayseitovning istefoga chiqishini muxlislar talab qilishni boshlashdi. Janob Bayseitov stadionda "fanatlar" bilan uchrashishga majbur bo'ldi. Klub rahbarlari mushkul vaziyatda bosh murabbiyni emas, balki uning yordamchilari Muhsin Muhammadiev va boshqa mutaxassislarga chiqish eshiklarini ko'rsatishdi. Ular Ordabasining ikkinchi tarkibiga jo'natildi.

Muxlislar Baxtiyor akadan "Aleksandr Geynrixni nima uchun jamoada ushlab turibsiz?" deb so'rashganida, Bayseitov "U O'zbekiston terma jamoasining azosi" - deya javob bergandi. Vaqt o'tdi va Sasha mana so'nggi 5 uchrashuvda raqiblar darvozasini 7 marta ishg'ol qildi. U Oqjetpes darvozasiga juda chiroyli tarzda to'p kiritib, jamoasining 3-o'ringa ko'tarilib olishiga sababchi bo'ldi. Agar Ordabasi shu tarzda g'alaba qozonishda davom etsa, Astana va Qayratdan so'ng 3-o'rinni egallab Evropa ligasiga yo'llanma oladi. Astana va Qayratning tarkibini alohida takidlashning hojati yo'qdir. Ularda kuchli futbolchilar etarli va pul ham...

To'lqin Bakirxo'jaev.