Germaniya futbol ittifoqi Lev bilan 2018 yilga qadar shartnomani uzaytirmoqchi

Narzulla Saydullayev
6 mar 2015, 08:09
Germaniya futbol ittifoqi va Germaniya terma jamoasi bosh murabbiyi Yoaxim Lev bilan shartnomani uzaytirish borasida muzokaralari yakunlanib qoldi, deb xabar bermoqda Bild nashri.
55 yoshli murabbiyning shartnomasi 2016 yil yozida tugaydi. Yangi kelishuvga ko'ra u JCH-2018 oxirigacha termada ishlaydi.

Eslatib o'tamiz, Lev Germaniya terma jamoasida 2006 yil avgustidan buyon ishlab kelmoqda. Germaniyani Levdan ko'proq muddat boshqargan uch murabbiy: Otto Nerc (1926–1936), Zepp Xerberger (1936–1964), va Xelmut Shen (1964–1978).

Bundan tashqari terma jamoa menejeri Oliver Birxoff, Levning yordamchisi Tomas Shnayder va darvozabonlar murabbiyi Andreas Kepke ham shartnomani uzaytirishga yaqin.

Narzulla SaydullayevMuallif
Manba: sports.ru