Германия футбол иттифоқи Лев билан 2018 йилга қадар шартномани узайтирмоқчи

Narzulla Saydullayev
6 мар 2015, 08:09
Германия футбол иттифоқи ва Германия терма жамоаси бош мураббийи Йоахим Лев билан шартномани узайтириш борасида музокаралари якунланиб қолди, деб хабар бермоқда Bild нашри.
55 ёшли мураббийнинг шартномаси 2016 йил ёзида тугайди. Янги келишувга кўра у ЖЧ-2018 охиригача термада ишлайди.

Эслатиб ўтамиз, Лев Германия терма жамоасида 2006 йил августидан буён ишлаб келмоқда. Германияни Левдан кўпроқ муддат бошқарган уч мураббий: Отто Нерц (1926–1936), Зепп Хербергер (1936–1964), ва Хельмут Шен (1964–1978).

Бундан ташқари терма жамоа менежери Оливер Бирхофф, Левнинг ёрдамчиси Томас Шнайдер ва дарвозабонлар мураббийи Андреас Кепке ҳам шартномани узайтиришга яқин.

Narzulla SaydullayevМуаллиф
Манба: sports.ru