Futzal. Vetnam-2014. O'zbekiston keyingi bosqichda Livan bilan o'ynaydi

Terma jamoamiz o'z guruhida 7 ochko bilan birinchi o'rinni band etdi, endi chorak finalda bizga Livan raqiblik qiladi.

"D" guruhi, 3-tur
O'zbekiston - Janubiy Koreya 3:0

Gollar: SHuhrat Tojiboev16, Davron CHoriev 34, Dilshod Raxmatov 39

O'zbekiston: (boshlang'ich tarkib) 1.Rustam Umarov, 2.Umid Xolmatov, 4.SHuhrat Tojiboev, 8.Farxod Abdumavlonov, 11.Artur Yunusov .

Zaxiradan o'yinga qo'shiladiganlar: 3.Javlon Anorov, 5.Maqsud Fayzullaev, 6.Davron Abdurahmonov, 7.Dilshod Raxmatov, 9.Andrey SHlema, 13.Davron CHoriev, 14.Azam Saidaxmatov, 12.Klim Tyugaev, 15.Jasur Sodiqov.

Janubiy Koreya: (boshlang'ich tarkib) Li Kyung Ho, Park Hanul, Kim Min Kuk, Li Minyong, SHin Jonghun.

Zaxiradan o'yinga qo'shiladiganlar: Li Vu Jin, Li YO Han, Lim Kyonhun, Li Jung Von, Kim CHul Ki, Li Jo Seop, CHoi Kyung Jin,  Kim Ho Jin, Li Doyong.

"D" guruhi

Jamoalar	O'	YU	D	M	UG	O'G	TN	O
O'zbekiston	3	2	1	0	7	3	4	7
Yaponiya	3	2	0	1	17	2	15	6
Qirg'iziston	3	1	1	1	6	7	-1	4
Janubiy Koreya	3	0	0	2	1	19	-18	0

MATNLI TRANSLYACIYA

Uchrashuv yakuniga etdi.

O'yin tugashiga 11 soniya vaqt qoldi.

Bu safar ham futzalchilarimiz standartni golga aylantirishdi. Tojiboevning pasini Raxmatov golga aylantirdi.

39' Gooooooolllll, Dilshod Raxmatov hisobni yiriklashtirdi.

39' Rustam Umarov qo'pol xatoga yo'l qo'ydi, raqiblar bo'sh qolgan darvozvgv to'p kirita olishmadi.

38' Raqiblar o'ynovchi darvozabonni tushirishdi.

37' SHin Jonghunning navbatdagi kuchli va aniq zarbasi, Umarov hali ham o'z joyida.

Bu Davron CHorievning terma jamoadagi debyut goli.

SHuhrat Tojiboevning pasidan so'ng Davron CHoriev darvozabonning oyoqlari orasidagi tirqishni ko'rib qoldi va zarba berdi, 2:0.

34' Gooooollll, 2:0.

31' Bu safar Javlon Anorov zarba berdi, darvozabon o'z joyida.

30' Davron CHorievning parashut usuldagi zarbasi darvoza to'siniga tegdi.

Eslatib o'tamiz, guruhdagi ikkinchi o'yinda yaponlar Qirg'izistonni 3:0 hisobida mag'lub etishmoqda.

26' Janubiy Koreya hisobni tenglashtirishga yaqin edi, to'p shundoqqina ustun yonidan o'tib ketdi.

25' Jasur Sodiqov qulay imkoniyatni ko'kka sovurdi.

23' Vetnamga terma jamoamizni qo'llash uchun 12 nafar muhlis borgan, shuningdek, mahalliy ishqibozlarlar ham O'zbekistonga muhlislik qilishmoqda. Majmuada Abdurahmon Fozilov boshchiligidagi yuzlab maxalliy muhlislar tinimsiz qo'llab-quvvatlashmoqda.

Ikkinchi bo'limga start berildi.

Birinchi bo'lim yakunlandi. Hozircha terma jamoamiz kichik hisobda oldinda borishmoqda.

20' SHin Jonghunning juda xavfli zarbasini Rustam Umarov bartaraf etdi.

Terma jamoamiz azolari standart vaziyatdan samarali foydalanishdi. Dilshod Raxmatov uzoq burchakda turgan SHuhrat Tojiboevni qidirib topdi, sardorimiz esa uyaltirib qo'ymadi.

16' Gooooooolllll, SHuhrat Tojiboev terma jamoamizni hisobda oldinga olib chiqmoqda.

16' Bahodir Ahmedov taym-aut oldi, tanaffusga hisobdagi ustunlik bilan chiqib ketish zarur.

13' Futzalchilarimizning navbatdagi zarbasi ham darvoza ustuniga tegdi, raqib darvozasi sehrlangandek tasavvur uyg'otmoqda.

9' Andrey SHlemaning zarbasi darvoza ustunini qidirib topdi.

9' Jasur Sodiqovda ketma-ket ikkita imkoniyat yuzaga kelgan edi, ammo yana darvozabon o'zini ko'rsatdi.

8' O'yindagi katta ustunlikka qaramasdan vakillarimiz raqiblar darvozasini nishonga olishni uddasidan chiqa olishmayapti.

4' Hozircha sezilarli ustunlik biznikilar tomonda, Bahodir Ahmedov shogirdlari shyinni juda ham faol boshlashdi.

2' O'yindagi ilk xavfli vaziyat Janubiy Koreya darvozasi oldida ro'y berdi. Farhod Abdumavlonovning yaqin masofadan bergan zarbasini darvozabon Li Kyung Ho qaytarib qoldi.

Uchrashuv boshlandi.


Bugungi o'yin qaydnomasi

Birozdan so'ng O'zbekiston milliy terma jamoasi Janubiy Koreyaga qarshi parketga chiqadi. Jamoalarning boshlang'ich tarkiblari elon qilindi.
Uchrashuvdan matnli translyaciyani shu erda kuzatib borishingiz mumkin.

"D" guruhi, 3-tur
Yaponiya - Qirg'iziston 4:0

Gollar: Akira Minamoto 4, Nibuya Kazuhiro 9, Osodo Nobuya 17, 35.