Futzal. O'zbekiston U-20 terma jamoasi Bruneyni yirik hisobda mag'lub etdi
15 may 2017 12:55
Yangiliklar

Futzal. O'zbekiston U-20 terma jamoasi Bruneyni yirik hisobda mag'lub etdi

SHu yilning 16–26 may kunlari Tailand poytaxti Bangkok shahrida futzal bo'yicha tarixda ilk marta 20 yoshgacha bo'lgan futzalchilar o'rtasida Osiyo chempionati bo'lib o'tadi.

O'zbekiston U-20 terma jamoasi delegaciyasi 8 may kuni Tailandga uchib ketgan edi. Xose Mariya Pazos Mendez boshchiligidagi yoshlarimiz avvaliga 10 may sanasida Vetnam yoshlariga qarshi nazorat o'yini o'tkazishdi va 1:4 hisobida imkoniyatni boy berishdi. 12 mayda esa Xitoy U-20 terma jamoasini 3:1 hisobida mag'lub etishgan edi.

13 may kuni yoshlarimiz Bruney U-20 terma jamoasi bilan nazorat uchrashuvi o'tkazdi. Osiyo chempionatidan oldingi so'nggi bahsda vakillarimiz 9:0 hisobida g'alaba qozonishdi.

Eslatib o'tamiz, O'zbekiston U-20 terma jamoasi “C” guruhida Qatar, Livan, Myanma va Gonkonglik tengdoshlari bilan kuch sinashadi.

Havola :

Manba : ufa.uz

Yangiliklarni Telegramda o'qing!

Reyting: +1