Futzal, OCH–2018. O'zbekiston terma jamoasi Yaponiyaga qarshi o'yin oldidan mashg'ulot o'tkazdi

Vakillarimiz guruh bosqichi so'nggi turida Yaponiya terma jamoasiga qarshi bahs olib boradi. Bugun, 4 fevral kuni jamoa Taishan Gymnasium sport majmuasida mashg'ulotlar o'tkazdi.

Mashg'ulot boshlanishidan avval jamoa koordinatori va  murabbiylar shtabi futzalchilar bilan suhbat o'tkazdi. Unda terma jamoa jamoa koordinatori Rustam Tolibjonov O'zbekiston futbol associaciyasi rahbariyatining Yaponiyaga qarshi o'yin oldidan futzalchilarga murojaati etkazdi.

“O'zbekiston futbol associaciyasi rahbariyati sizlarni muddatidan avval qo'lga kiritilgan chorak final yo'llanmasi bilan tabrikladi. SHu bilan birgalikda, Yaponiyaga qarshi bo'lajak o'yinda xotirjamlikka berilmay, unga jiddiy yondashish kerakligi aytildi hamda yuqori saviyali o'yin namoyish etishingizni va g'alaba qozonib, chorak finalga guruhdan 1-o'rin bilan chiqishingiz tilab qolindi. Barchangizga malum, oldimizga yuqori maqsadlar qo'yilgan. SHu sababli, har bir uchrashuvda ijobiy natija ko'rsatishimiz zarur bo'ladi. Biz O'zbekiston xalqini g'alabalar bilan xursand qilishimiz kerakligi ham takidlandi”, – deya O'FA rahbariyatining murojaatini yo'lladi Rustam Tolibjonov.

SHundan so'ng futzal bo'yicha O'zbekiston terma jamoasi bosh murabbiyi Bahodir Ahmedov futzalchilarga o'z so'zlarini aytib o'tdi. 

“Bizni butun O'zbekiston qo'llab-quvvatlab turibdi, bizga katta ishonch bildirilgan. SHuning uchun, har bir bellashuvda xalqimiz daldasini his qilishingizni so'rayman. Qita birinchiligidagi har bitta o'yinda faqat va faqat g'alaba qozonishimiz lozim”, – dedi Bahodir Ahmedov. 

Mashg'ulot davomida bir qator taktik uslublar ishlab chiqilib, amalga sinab ko'rildi. Umuman olganda, jamoada ijoyib muhit hukmronlik qilmoqda, barchada kayfiyat yaxshi. 

O'FA matbuot-xizmati