Futzal. Klublar o'rtasidagi Osiyo chempionatiga qura tashlandi
30 may 2017 15:31
Yangiliklar

Futzal. Klublar o'rtasidagi Osiyo chempionatiga qura tashlandi

Teglar : Futzal

Bugun, 30 may kuni Vetnamning Xoshimin shahrida 2017 yil bo'lib o'tadigan klublar o'rtasidagi Osiyo chempionatiga qura tashlash marosimi bo'lib o'tdi.

Unga ko'ra, O'zbekistonning amaldagi chempioni "Olmaliq" "D" guruhida "CHonburi Blyuveyv" (Tailand) va "Bank Beyrut" (Livan) jamoalari bilan bellashadi.

Musobaqada jami 14ta jamoa g'oliblik uchun kurash olib boradi. Har bir guruhdan birinchi va ikkinchi o'rinni band etgan klublar chorak finalga yo'l olishadi. Turnirda uchinchi o'rin uchun ham o'yin o'tkaziladi.

Turnirda ishtirok etadigan har bir klub ikkitagacha legioner xizmatidan foydalanishi mumkin. Bundan tashqari, legionerlardan biri Osiyo qitasidan bo'lishi shart.

Klublar o'rtasidagi Osiyo chempionati
"A" guruhi

"Tai Son Nam" (Vetnam)
"Al Dafra" (BAA)
"Vik Vipers" (Avstraliya)
"Erem" (Qirg'iziston)

"B" guruhi

"Nafit Al Vasat" (Iroq)
"Al Rayyan" (Qatar)
"Vamos Mataram" (Indoneziya)
"Disi Invest" (Tojikiston)

"C" guruhi

"SHriker Osaka" (Yaponiya)
"Sanae Giti Pasand" (Eron)
"SHenjen Nanling Tielang" (Xitoy)

D" guruhi

"CHonburi Blyuveyv" (Tailand)
"Olmaliq" (O'zbekiston)
"Bank Beyrut" (Livan

Futzal bo'yicha klublar o'rtasidagi Osiyo chempionati shu yilning 20-30 iyul kunlari Vetnamning Xoshimin shahrida bo'lib o'tadi.

Eslatib o'tamiz, musobaqaning amaldagi g'olibi Yaponiyaning "Nagoya Oushens" jamoasi hisoblanadi.