Futzal. Dilshod Xaydarqulov: "Paragvayga qarshi o'yin ko'p narsaga aniqlik kiritib beradi"

Malumot uchun, Xose Venansio Lopes boshqaruvidagi futzal milliy jamoasi ertaga, 17 sentyabr kuni Paragvayga qarshi Jahon chempionati 2-tur uchrashuvini o'tkazadi. 

- Avvalo Jahon chempionati boshlangani bilan barchani tabriklayman. Mundialga yurtimiz mezbonlik qilayotgani quvonarli holat. Bu o'zbek futzali, murabbiylar uchun foydali deb o'ylayman. 

- Birinchi turda Niderlandiya bilan kuch sinashdik. Dastlabki bo'limda jamoamiz o'ziga o'xshamadi. Ikkinchi bo'limda yigitlar o'zlariga kelishdi. Bu tabiiy holat. Aytishim mumkinki, tarkibimiz ancha yoshargan. Abror Axmetzyanov, Fazliddin Botirov, Samariddin Berkinov uchun debyut Jahon chempionati. SHunga qaramay ular yomon o'yin ko'rsatgani yo'q. 

- Jarohatlar o'z tasirini o'tkazyapti. Sunnat Jo'raev, Davron CHoriev, Dilshod Rahmatov, Ravshan Eliboevlar bo'lganida Niderlandiyani aniq yutar edik. 3-3 yaxshi hisob, lekin ikki ochko yo'qotdik. O'yin oxirida Husniddin Nishonov katta sahnaga chiqdi. Ushbu turnirda Husniddindan ko'p narsa kutyapman. U top darajadagi futzalchi. Jahon chempionatida o'z nomini qoldirishi kerak. Qolganlar ham yorqin o'yin ko'rsatishiga ishonaman. 

- Paragvayga qarshi o'yin ko'p narsani aniqlab beradi. Eng asosiy o'yinda g'alaba qozonish muhim. Bu raqibdan ustun kelsak guruhda peshqadam bo'lishimiz imkoni paydo bo'ladi. Umid qilamanki, eng yaxshi natijamizga erishamiz.