Futzal. Bugun 12:00da "Olmaliq" o'ynaydi

Bugun O'zbekiston chempioni "Olmaliq" 3-tur doirasida musobaqa favoritlaridan biri bo'lgan Tailand chempioni "CHonburi Blyuveyv" klubiga qarshi bahs olib boradi. Aleksandr Petrov jamoasi avvalgi o'yinda Livan chempioni "Bank Beyrut"ga imkoniyatni boy berib qo'ygan edi. Bugungi uchrashuvda "Olmaliq" kamida ikkita to'p farqi bilan g'alaba qozonsagina chorak finalga yo'l oladi. Hatto, bitta to'p farqi bilan qo'lga kiritiladigan g'alaba ham vakillarimizga kamlik qilishi mumkin. Musobaqa reglamentiga ko'ra, bir xil ochko jamg'argan jamoalarning o'zaro o'yinlari, keyin o'zaro o'yinlardagi to'plar nisbati inobatga olinadi. "CHonburi Blyuveyv"ga qarshi bahs bugun Toshkent vaqti bilan 12:00da start oladi. Uchrashuvni Sport telekanali to'g'ridan-to'g'ri efirda namoyish etadi.

Olmaliqliklar ishtirokidagi bugungi o'yinni bevosita saytimiz orqali LIVE hisob tarzida ham kuzatib borishingiz mumkin.

Klublar o'rtasidagi Osiyo chempionati
3-tur, 25.07.2016
"Phu Tho Stadium", 12:00
"D" guruhi

"CHonburi Blyuveyv" - "Olmaliq"

Ayni paytda "D" guruhida turnir jadvalidagi holat