Futzal. Ahad Yusupov: "Amaldagi chempion sifatida munosib ishtirok etmoqchimiz"

Jamoa bosh murabbiyi Ahad Yusupov fikrlarini bildirib o'tdi.

"Lokomotiv" futzal bo'yicha O'zbekistonning amaldagi chempioni. Biz nafaqat bu sovrinni saqlab qolish uchun , balki munosib ishtirok uchun ham maydonga tushmoqdamiz. Ayni vaqtda turnir jadvalidagi holatimizga u darajada havas qilib bo'lmaydi. Tushinib turibman endi chempionlikni saqlab qolish juda qiyin bo'ladi", - deydi Ahad Yusupov.

- O'tgan yilgi tarkib keskin o'zgargan. Bunga sabab nima?

- Biz O'zbekistonning eng kuchli futzalchilarini yig'ib chempionlikni davom ettirishimiz mumkin edi. Men bu yili jamoani yoshlar bilan to'ldirdim. O'zbekistondagi eng iqtidorli yoshlardan iborat jamoa tuzdim deya olaman. Har bir yosh futzalchimiz bir necha yildan buyon klub bilan birga edi va bu yil barchasiga imkoniyat beraman. Bu tarkibdan uch yil natija so'ramayman.

- Demak bu yilgi ishtirok sovrin uchun kechmaydimi ?

- Bunday deb aytmagan bo'lar edim. Oldinda hali turlar va qismlar bor. Oxirigacha kurashamoqchimiz. Misol uchun Samarqanddagi bahslarda rosmanasiga omadimiz kelmadi. Birinchi turda tayyor g'alabani durangga almashdik. Kecha esa ikkita goldan so'ng oldinga o'tib, barcha qarshi hujumlarni o'tkazdik. Undan tashqari uchta futzalchimiz sog'lig'ini yo'qotib maydonga tusha olmadi. Bu yil jamoalar juda kuchli. Har biri sovrin uchun kurashmoqda. Barcha jamoalardan kuchli futzalchilar bor. Endi ishimizni o'z mehnatimiz bilan ko'rsatish fursati etdi. Yoshlarimiz ishonchni oqlaydi deb o'ylayman. Asosiy vazifa esa terma jamoaga munosib bo'lgan futzalchilarni etishtirib bermoqchimiz. Hozir tarkibimizdan Sarvar SHoahmedov havaskor jamoadan milliy terma jamoa darajasigacha chiqdi.

Humoyun Dovurov suhbatlashdi