Futzal. 3-tur. 4-kun. "Turon-S" – "Do'stlik-AIN" 3:1 (+ foto)

Turning dastlabki ikki uchrashuvida peshqadamlarni mag'lub etgan "Do'stlik AIN" keyingi ikki o'yinni boy berib qo'ydi. Bugun Qarshi klubi "Turon-S"ga 1:3 hisobida mag'lub bo'ldi.

Turon-S – Do'stlik-AIN 3:1
Gollar: Muhtor Abdukarimov 7, 20, Rashid Jabborov 31 - Jasur Urunov 23
Amalga oshirilmagan penalti: Alisher Ibragimov 34 (ustun)
“Turon-S”: Axmad Boyjonboev, Elyor Domlaev, Qahramon Isaboev, Sobit Zokirov, Alisher Rizaev, Muhtor Abdukarimov, Rashid Jabborov, Abduvohob Iqboljonov, Islom Ahmedov, Odil Karimov
“Do'stlik-AIN”: Akmal Xazramqulov, Alisher Yusupov, Jasur Urunov, Dilmurod Toshmatov, Alisher Ibragimov, SHerzod Mustafoev, SHaxboz Ahmedov, Ulug'bek Majidov, Baxtiyor Baratov.
Ogohlantirish: Alisher Yusupov 17, Ahmad Boyjonboev 34.

Bahs tugagach "Turon-S" katta murabbiyi Rustam Abdiev o'z fikrlari bilan o'rtoqlashdi: "Do'stlik AIN" jamoasi bugun himoyaviy o'yin ko'rsatdi. Ular oldingi o'yinlarda "Maksam-CHirchiq" va "Lokomotiv" jamoalarini aynan himoyaviy o'yin bilan yuta olishdi. O'sha bahslarda omad ham Qarshi jamoasi tomonida bo'lgandi. Bizda esa futbolchilar kamroq, lekin ko'pchiligi malakali va tajribali o'yinchilar. Bugungi bahsda shogirdlarim bor kuchini berib o'ynashdi. Albatta omad ham bizni tark etmadi. G'alabadan xursandman".


Tolibjon Qosimov.