Futzal. 3-tur. 3-kun. "Paxtakor" – "Lokomotiv" 1:7 (+ foto)

Toshkent derbisida "temiryo'lchilar" 7:1 hisobida zafar quchishdi. Artur Yunusov uchrashuvda uchta gol urishga muvaffaq bo'ldi.

"Paxtakor" – "Lokomotiv" 1:7
Gollar: Ilnar Baxtiev 37 - Furqat Azizov 6, 37, Faxriddin Samegov 6, Artur Yunusov 24, 32, 39, Islom Komoljonov 34,
“Paxtakor”: Elyor Samadov, Inomjon Qodirov, Nodir Isroilov, Elbek Bakaev, Ilnar Baxtiev, Mahkam Nigmatov, Aleksandr Kartauzov, Evgeniy Xolmuhamedov, Zuhriddin Ziyomuhamedov, Alan Aminov, Biloliddin Isroilov, Azizjon Raximjonov, Alisher G'ulomov, Artur Aminov
“Lokomotiv”: Murodxo'ja Azamatov, Andrey SHlyoma, Farxod Miraxmedov, Oleg Xolmuhamedov, Fahriddin Samegov, Furqat Azizov, Davron CHoriev, Zafar Azamatov, Doniyor Usmonov, Abbosjon Po'latov, Oleg Tukmakov, Islom Komoljonov, Artur Yunusov.

Uchrashuv tugagach "Lokomotiv " ustozi Ahad Yusupov o'z fikrlarini bildirdi: 
"Kechagi mag'lubiyatdan so'ng yigitlar o'zlariga kelishi qiyin bo'ldi, biroq mag'lub bo'lmaydigan jamoa bo'lmaydi. SHundan xulosa qilgan shogirdlarim bugun chiroyli o'yin namoyish etishdi g'alabaga erishishdi. "Paxtakor"da hozir asosan yoshlar o'ynashmoqda, biz tarkibimizda esa tajribali futzalchilar ko'p".

- Kechagi mag'lubiyatga nima sabab bo'ldi?
- Ushbu mag'lubiyat uchun barcha aybni o'z zimmamga olaman. Bilasiz biz Osiyo chempionlar ligasida O'zbekiston sharafini himoya qilamiz. Ushbu musobaqaga tayyorgarlik sifatida kecha bir nechta vaziyatlarni sinovdan o'tkazmoqchi bo'lgandik. Avvalo men, undan keyin yigitlar raqibni mensishmadi, shu bois ham mag'lub bo'ldik. Qarshining "Do'stlik AIN" jamoasi chempionat debyutanti bo'lishiga qaramay chiroyli o'yin namoyish etmoqda.


Tolibjon Qosimov.