"Futbolda bunday holatlar uchrab turadi". Bir muddat hushini yo'qotgan Botirali Ergashev uchrashuvdan so'ng nimalar dedi?

Ushbu bahsda Mirjalol Qosimov shogirdlari g'alabani tantana qilgan bo'lsada, o'yin davomida ko'pchilikni havotirga solgan vaziyat yuzaga keldi. Mezbonlar darvozaboni Botirali Ergashev 37-daqiqada "Lokomotiv" yarim himoyachisi Sanjar Qodirqulov bilan to'qnashib ketdi. Buning natijasida kiper bir muddat hushini yo'qotdi. Kecha "Tezkor Studiya"ning jonli efirida ushbu holat yuzasidan posbon bilan aloqaga chiqdik va ayni paytdagi holati bilan qiziqdik. 

"Olloxga shukur hammasi yaxshi. Raqib futbolchisi bilan to'qnashuvdan keyin shunday vaziyat yuzaga keldi. Ancha o'zimga kelyapman. Barchasi joyida. Qo'lga kiritilgan g'alaba bilan muxlislarni tabriklayman. Ha, "Lokomotiv" o'yinchisi oldimga kelib odatdagidek kechirim so'radi. Bu tomondan muammo bo'lmadi. Futbolda bunday holatlar uchrab turadi",- deydi Botirali Ergashev.