Franciya klubi Grinvudni sotib olishni istamagani malum bo'ldi

"Brest" "Manchester Yunayted" vingeri Meyson Grinvudni sotib olishdan bosh tortdi. Bu haqda klub sport direktori Gregori Lorenci malum qildi.

"Bizga "Manchester Yunayted" sportga oid bo'lmagan sabablarga ko'ra chetlashtirgan Grinvudni taklif qilishdi. Ammo qarama-qarshi fikrlar va uning maoshi tufayli biz u bilan shartnoma imzolash haqida o'ylaganimiz ham yo'q", – dedi funkcioner.

Grinvud ushbu yozda ijara asosida "Xetafe"ga o'tdi. Avvalroq "Lacio" prezidenti angliyalik futbolchini o'z klubiga qo'shib olmoqchi ekanini aytgan edi.