Flik: “CHelsi” o'z uyidagi bahslarda har qanday raqibga bosim o'tkaza oladi”
25 fev 2020 01:21
Yangiliklar
![](https://championat.asia/upload/storage/547367_original.jpg)
![](/upload/storage/547367_220.jpg)
Flik: “CHelsi” o'z uyidagi bahslarda har qanday raqibga bosim o'tkaza oladi”
“Lempard jamoasi yosh bo'lishiga qaramay, tezkor qarshi hujumlar uyushtirib, doim raqib darvozasi oldida xavf tug'dira oladi. Ayniqsa, uy uchrashuvlarida “CHelsi” raqiblariga oson tutib bo'lmaydi.
“RB Leypcig”ga qarshi bahsni hisobga olmaganda Germaniya chempionatining barcha uchrashuvlarida raqib darvozasiga yo'l topa olayapmiz. Bu tarafdan olib qaraganda natijalarimiz maqtashga arzigulik. Ertangi bahsni sabrsizlik bilan kutayapman. Bu stadiondagi bahsni anchadan buyon istagandim. "Stemford Bridj"da ilgari ham bir necha bor mehmon bo'lganman, jumladan o'tgan yili “Ayntraxt” bilan.
Koutinoning mashg'ulotlardagi harakatlarini ko'rib xursand bo'laman. U futbolga borini bergan. Bazida o'zidan juda ko'p narsalarni talab qiladi, doim o'yin taqdirini hal qilishni istaydi. Men futbolchi sifatida ham, inson sifatida ham uni qadrlayman. Robert Levandovski faoliyatidagi eng yaxshi o'yinini namoyish etmoqda. U o'ziga juda ishonadi va o'z uslubini topib olgan. “CHelsi”ga qarshi bahsda ham u shu ruhda o'ynashda davom etadi. Robert biz uchun muhim futbolchi” deya Flikning so'zlaridan iqtibos keltirmoqda UEFA rasmiy sayti.
ECHL 1/8 finalidan o'rin olgan “CHelsi” – “Bavariya” uchrashuvi 25 fevraldan 26 fevralga o'tar kechasi soat 01:00 da boshlanadi.
O’xshash yangiliklar
![AMP Logo](https://championat.asia/image/logo-amp.png)
Fikrlar