"Fiorentina"ning yangi xo'jayini: "Menga pul kerakmas, Kezani 100 million evroga ham sotmaymiz"

"Fiorentina" klubi yangi xo'jayini Rokko Kommisso yarim himoyachi Federiko Kezani sotib olmoqchi bo'layotgan haridorlarga uni shu transferlar oynasida sotmasligini va jamoaning bosh yulduzini jamoada olib qolishini aytdi.

"Keza? Men o'z namoyishimda aytilgan gaplarimni yana takrorlayman. Menga pul kerakmas, shuning uchun uni sotmayman. Hattoki unga 100 million evro taklif qilishsa ham, u jamoada qoladi, hech bo'lmaganda keyingi mavsum uchun ham.

SHuni takidlab o'tishim kerakki, men kelasi mavsum deb gapirganim, uni keyingi yili ketadi deb aytganimni anglatmaydi. U bizning etakchi, biz uni saqlab qolishga harakat qilamiz, 2020/21 yilgi mavsum uchun ham", - deydi Kommisso.

Eslatib o'tamiz, amerikalik milliarder Kommimmo yoz boshida "Fiorentina"ning yangi boshlig'i bo'lgan edi.