Finalni Samarqandda katta ekranlarda tomosha qiling!

Ravshan Haydarov boshchiligidagi terma jamoamiz guruh bosqichidan so'ng chorak final va yarim final bahslarida Osiyo grandlari sanalmish Yaponiya va Janubiy Koreya singari kuchli terma jamoalar ustidan yirik hisobdagi g'alabalarni qo'lga kiritib, finalda Vetnam terma jamoasiga qarshi saf tortishadi.

Nafaqat O'zbekiston yoki Vetnam, balki butun Osiyo kutayotgan final bahsidagi g'alaba har qanday mamlakat futboli tarixida yangi sahifa ochadi. Nasib qilsa, finalda ham yigitlarimiz ishonchni oqlab, chempionlikka erishishsa butun mamlakatimiz futbol ixlosmandlari uchun bayram bo'ladi.

Finalni bayramona ruhda tomosha qilishni istagan samarqandlik muxlislarni Samarqand shahridagi «SHarq yulduzi» kinoteatrida (manzil: GUM) tashkil qilingan katta ekranlarda birga tomosha qilishga taklif etamiz.

Hayajonli va shiddatli o'tishi kutilayotgan, shanba kuni soat 13:00da boshlanadigan O'zbekiston – Vetnam final uchrashuvini Samarqandda ham barcha muxlislar birga to'planib tomosha qilishlari va hayajonli daqiqalarda O'zbekiston terma jamoasini g'oyibona bo'lsada katta ekran qarshisida birgalikda qo'llab-quvvatlashga chaqiramiz! Muxlislardan imkon darajasida O'zbekiston bayrog'i bilan birga kelishlari so'raladi. Muxlislar zalga soat 12:30 dan boshlab kiritiladi. Murojaat uchun +998 90 657 56 40 (Usmon Ibodov) telefon raqamiga qo'ng'iroq qilishingiz mumkin.

Vatanimiz jamoasini birga qo'llab-quvvatlaymiz! CHempionlik sari, Olg'a, O'zbekiston!