Finalgacha... FOTO

Ayni paytda jamoalar stadionga etib kelishgan va maydonda o'yinoldi chigalyozdi mashqlarni bajarishmoqda.

SHota Arveladze bugun ham jamoaning ananaviy taktikasiga sodiq qolgan holda 4-2-3-1 sxemasini tanlagan. Oxirgi o'yinlarda jarohati bois o'tkazib yuborgan Azamov yana himoya markaziga qaytdi. Egor Krimec finalni zaxira o'rindig'ida boshlaydi. SHuningdek, tarkibda yana bir o'zgarish ruy bergan. Tayanch zonasi vakili Azim Ahmedovning o'rnini bugun markazda Vladimir Kozak egallaydi. Qolgan nuqtalar borasida hech qanday o'zgarish yoki yangilik yo'q.

AGMK esa o'yinni 4-3-3 taktik sxemasida boshlaydi. Ashurmatov jamoasi o'yin borishiga 4-3-3 sxemani 4-2-3-1 yoki aksincha, vaziyatga qarab ushbu joylashuvni bahs davomida 4-3-3ga aylantirib o'ynashi mumkin. Himoya markazida Kasminin va Bubanya tandemiga ishonilgan. Qanotlarda Isroilov va Xojiakbarov o'ynaydi. Markaz Jokich-To'raev-Qilichev "uchligi"ga topshirilgan. Qanot vingerlari sifatida odatdagidek Hasanov va Pirimov o'ynashadi. Markaziy hujumda esa Kamoliddin Murzoev bahsni boshlang'ich tarkibda boshlamoqda.

Final uchrashuviga kirish chiptasi tekin. Muxlislar tashrifi esa kutilganidek yuqori emas. Hozircha stadionga taxminan 3-4 mingdan ziyodroq ishqibozlar tashrif buyurishgan. Muxlislarning final oldi kayfiyatlari ancha ko'tarinki va ular bugungi bahsdan haqiqiy finalga xos o'yin va shunga munosib shukuhni kutishmoqda.

Toshkentdan va Olmaliqdan bir guruh muxlislar kelishgan va ular o'zgacha kayfiyatda o'z suyuklilarini qo'llab-quvvatlash uchun hozirlik ko'rishmoqda.

Stadionga yig'ilgan muxlislar uchun ayni paytda stadionda mahalliy sanatkorlar kuy-qo'shiqlarini taqdim etishmoqda.