Final. Ermatov hammadan oldinda
27 okt 2022 20:03
Yangiliklar
Final. Ermatov hammadan oldinda
Buxorodagi bahsni Vadim Agishev boshqarishi malum qilindi. Bu 43 yoshli arbitr uchun ilk final.
Tarixga nazar solsak, O'zbekiston kubogining ortda qolgan 29 finalida 17 nafar bosh hakam ishlaganiga guvoh bo'lamiz. Ilk finalni (1992 yil) boshqarish baxti marhum Gali Imomovga nasib qilgan edi.
Rekord
O'zbekiston kubogi finallarida ishlash borasida mundial rekordchisi Ravshan Ermatovning oldiga tushadigani yo'q. Uning hisobida 5 ta final bor. Keyingi pog'onaga 4 tadan o'yin bilan Gali Imomov hamda Noil Lutfullin yozilgan.
SHuningdek, Ravshan Ermatov finallarni ketma-ket boshqarish bo'yicha barchadan oldinda. U 2010-2013 yillardagi hal qiluvchi bahslarning hammasini boshqargan.
Xorijlik referilar
Mamlakat kubogining hal qiluvchi o'yinida 2 bor chet ellik hakamlar ishlagan edi. Aniqroq aytsak, 2014 yil yakunida o'tgan "Lokomotiv" 1:0 "Bunyodkor" o'yinini Kim Dong Jin (J. Koreya) boshqargan. 2017 yilda poytaxtning yana o'sha klublari o'rtasida "Bunyodkor" stadionida o'tkazilgan va 3 yil oldingi hisob takrorlangan bahsda BAA vakili Muhammad Abdulla Hasan ishlagan.
Eng qattiqqo'l
Finallarda eng ko'p sariq kartochka Ravshan Ermatovning cho'ntagidan chiqqan (20 marta) bo'lsa, qizil kartochka ko'rsatish borasida Gali Imomov hamda Noil Lutfullin etakchi bo'lgan (3 tadan). Ammo penalti belgilash bo'yicha Temur To'xtasinov barchadan oldinda (2). U 2018 yilning 28 oktyabr kuni Farg'onada o'tkazilgan AGMK 3:1 "Paxtakor" bellashuvida har ikki jamoa darvozasi tomon 11 metrli jarima zarbasi belgilagan.
To'liq statistika
| referi | final | s-k | q-k | pen | |
|---|---|---|---|---|---|
| 1 | Ravshan Ermatov | 5 | 20 | 1 | 1 |
| 2 | Gali Imomov | 4 | 14 | 3 | 0 |
| 3 | Noil Lutfullin | 4 | 14 | 3 | 0 |
| 4 | Marat Ismoilov | 2 | 12 | 2 | 0 |
| 5 | Rustam Saidov | 2 | 11 | 1 | 0 |
| 6 | Rashid Aytekov | 1 | 8 | 0 | 0 |
| 7 | G'ayrat Karimov | 1 | 6 | 0 | 0 |
| 8 | SHerzod Qosimov | 1 | 4 | 0 | 1 |
| 9 | Kim Dong Jin | 1 | 3 | 1 | 0 |
| 10 | Muhammad Abdulla Hasan | 1 | 5 | 0 | 0 |
| 11 | Sardor Najafaliev | 1 | 4 | 1 | 1 |
| 12 | Dilshod Asimov | 1 | 3 | 0 | 0 |
| 13 | Dmitriy Roman | 1 | 3 | 0 | 0 |
| 14 | Temur To'xtasinov | 1 | 5 | 0 | 2 |
| 15 | Vladislav Ceytlin | 1 | 4 | 1 | 0 |
| 16 | Ahrol Risqullaev | 1 | 4 | 1 | 0 |
| 17 | Zokir Qodirov | 1 | 1 | 0 | 1 |
| 18 | Vadim Agishev | - | - | - | - |
Faxriddin Ro'ziev tayyorladi
O’xshash yangiliklar
championat.asia
U-20 Осиё кубоги. Корея Республикаси пенальтилар сериясида Ўзбекистонни мағлуб этиб, ярим финал ва жаҳон чемпионати йўлланмасини қўлга киритди
АПЛ. "Манчестер Сити" ўз майдонида "Ливерпуль"га ютқазди. Ҳусанов ҳимоячилар орасида энг катта балл олди
УEФА президенти: "Албатта, Родри "Олтин тўп"га лойиқ эди"
Ла Лига. "Реал" ўз уйида "Жирона"ни мағлуб этиб, очколар бўйича "Барса"га етиб олди, 39 ёшли Модрич ўйинда ҳисобни очди
Fikrlar