FIFA JCHni ikki yilda bir marta o'tkazish rejalari haqida terma jamoalarni xabardor qildi

FIFA Jahon chempionatini ikki yilda o'tkazishga mo'ljallangan yangi tizim borasida barcha terma jamoalarni xabardor qilgan. Ushbu reformalar natijasida o'yinchilar terma jamoalar ixtiyorida 50 kun emas, 30 kun bo'lishadi. Jahon chempionati saralash bosqichi o'yinlari ham, maksimum 7 ta o'yindan iborat bo'ladi. Bu esa saralash o'yinlarini ikki davrda, yani oktyab va mart oylarida o'tkazish imkonini beradi. 

FIFA ushbu reformalar futbolchilarga bo'lgan yuklamalarni kamaytirish uchun yo'lga qo'yilayotganini qo'shimcha qilgan. Misol tariqasida esa Lionel Messi ko'rsatilgan. 2014-2018 yillar oralig'ida Messi terma jamoa yig'inlariga etib borish uchun jami 324 ming kilometr parvoz qilgan. FIFAning yangi loyihasida esa bu ko'rsatkich 157 ming kilometrga qisqarishi mumkin bo'ladi.