"Fidokor" va "Stroitel Zarafshon" futzal musobaqalaridan chetlashtirildi va PFL qatnashchilari safidan chiqarildi

"Fidokor" jamoasi 2021/22 yilgi mavsumni Birinchi ligada o'tkazib, birorta g'alabasiz mavsumni so'nggi o'rinda yakunlagan, qo'shimchasiga so'nggi tur uchrashuvlariga tashrif buyura olmagandi. "Stroitel Zarafshon" jamoasi esa xuddi shu mavsumni Oliy ligada o'tkazib, so'nggi o'rinni egallagani oqibatida 2022/23 yilgi mavsumni quyi divizionda davom ettirishi kerak edi.

O'zPFL Ustavining 4.6-bandiga muvofiq jamoa yuqori toifadagi ligada ishtirok eta turib musobaqadan chetlashtirilsa, mazkur jamoada yangi mavsumni bitta quyi divizionda boshlash imkoniyati bo'lishi mumkin edi. "Stroitel Zarafshon" esa Birinchi ligada ishtirok etishi kerak bo'lgan holatida unda ishtirok eta olmasligini malum qildi.     

Yuqoridagilardan kelib chiqib, O'zPFL Ustavining 4.7-bandiga muvofiq "Fidokor" va "Stroitel Zarafshon" klublari futzal musobaqalaridan chetlashtirildi hamda Liga qatnashchilari safidan chiqarildi.