Fernandu Santush: "Germaniyadan qo'rqmayman"

"Germaniya bilan durang yomon natija yomonmas? Portugaliya bilan hatto Germaniya kabi jiddiy jamoalar ham hisoblashishga majbur. Ular bizning futbolimizni va yulduzlarimizni yaxshi bilishadi. SHu bilan birga, ular bizni mag'lub etamiz deb o'ylashi mumkin, ammo dunyoda hech kim hozirda Portugaliya turnirda qolib ketadi deb aytmaydi. Germaniya fantastik jamoa, ularda ajoyib o'yinchilar bor, uchrashuvlarda ustunlik namoyish etishadi va to'pga egalik qilishadi. Ammo men Germaniyadan qo'rqmayman. Biz ularning futbolchilarini hurmat qilamiz, ammo g'alaba qozonishga qatiy qaror qildikmi, albatta bunga erishamiz.

Vengriyaga qarshi yaxshi futbol namoyish etdik — yaxshi hujumlar tashkil qildik, darvozamizni himoya qila oldik, raqibga bosim o'tkazdik, imkoniyatlar yaratdik. Germaniya ham Franciyaga qarshi yaxshi o'yin o'tkazdi, eslatishim mumkin, francuzlar amaldagi jahon chempionlari. Nemislar faqat avtogol natijasida gol o'tkazib yuborishdi, yakuniy hisob o'yinning to'liq suratini aks ettirmadi. SHanba kuni biz g'alaba qozonishni xohlaymiz, g'olib chiqishimizga ishonamiz, ushbu bahsning kaliti qo'limizda.

Men nafaqat Ronalduni, balki butun jamoani rag'batlantirishim kerak. Ronaldu biz bilan ekanligi juda yaxshi, biz u bilan faxrlanamiz, ammo u yakka o'zi g'alaba qozona olmaydi. Jamoaviy o'yin bizning kuchimiz bo'lishi kerak, biz chin yurakdan o'ynashimiz kerak", — deydi Santush.

Eslatib o'tamiz, Portugaliya — Germaniya to'qnashuvi 19 iyun kuni soat 21:00 da start oladi.