Evro-2024 oldidan Ro'ziqul Berdiev: "Daniya va Avstriya terma jamoalari turnirda kutilmagan natija qayd etadi"

Tabiiyki, musobaqaga bo'lgan qiziqish avvalgilaridan qolishmayapti. OAV, futbolchilar, muxlislar barcha o'zgacha tayyorgarlik bilan band. Biz shu o'rinda Superliga murabbiylaridan Evro-2024 turnirida qaysi terma jamoaga muxlislik qilishlari haqida so'rashda davom etamiz. Bu safar savollarimizga "Nasaf" ustozi Ro'ziqul Berdiev javob berdi. 

- Evropa chempionatida kimga muxlislik qilasiz va nima uchun?

- Turkiya va Gruziyaga muxlislik qilaman.

- Bu musobaqada qaysi terma jamoadan kutilmagan natija kutyapsiz?

- Daniya va Avstriya terma jamoalari turnirda kutilmagan natija qayd etadi.

- Birinchi ko'rgan Evropa chempionatingiz qaysi bo'lgan, uni qanday xotirlaysiz?

- 1988 yilgi Evropa chempionati men ko'rgan ilk turnir hisoblanadi. SSSR terma jamoasi o'shanda ajoyib o'yin ko'rsatgandi. Finalda Niderlandiya uchligi Van Basten, Rudd Gullit, Frank Raykard shunchaki yorqin taassurot qoldirgan. Total futbol va Van Basten ijrosidagi tarixdagi eng chiroyli gollardan birining urilishi bilan yodimda qolgan. 

- Sizningcha, turnir favoriti kim va chempionlik uchun imkoniyat qaysi terma jamoada yuqori?

- Menimcha, Germaniya va Franciyada imkoniyat ko'proq.