Evro-2024. Niderlandiya iroda ko'rsatib,Turkiyani mag'lubiyatga uchratdi! Yarim finaldagi raqib – Angliya
07 iyu 01:55
Yangiliklar

Evro-2024. Niderlandiya iroda ko'rsatib,Turkiyani mag'lubiyatga uchratdi! Yarim finaldagi raqib – Angliya

Evro-2024 1/8 final doirasidagi Niderlaniya - Turkiya o'yinida Niderlandiya dastlab gol o'tkazib yuborganiga qaramay, yakunda g'alaba qozondi.

Niderlandiya – Turkiya 2:1

Gol: Akaydin 35', de Vrey 70', Myuldur 75' (avtogol)

Niderlandiya – Verbryuggen, Dumfris, de Vrey, van Deyk, Ake (van de Ven, 73), Sxauten, Reynders (Verman, 73), Simons (Zirkze, 87), Bergveyn (Vegorst, 46), Gakpo, Depay (Frimpong, 87).
Turkiya – Gyunok, Myuldur (CHelik, 82), Ayxan (Qilichso'y, 89), Bardakdji, Akaydin (Tosun, 82), Gyuler, Kadio'g'lu, CHalxano'g'lu, Ozdjan (Yokushlu, 77), Yilmaz, Yildiz (Akturko'g'lu, 77).
Ogohlantirishlar:Simons (30), Ake (54), van Deyk (64), Tosun (90+3), Montella (90+4).
CHetlatish: Yildirim (90+6).

Netherlands

Stefan de Vrij - 70', Mert Muldur - 76'

EURO Final Stage . Quarter Finals-tur

07/07/2024, 01:00

Tugadi

Turkiye

Samet Akaydin - 35'

Stadion: Olympiastadion, 70091 tomoshabin

Bosh hakam: Clement Turpin

45'

90'

Match-senterda ochish

90+7. Bo'ldi. O'yin yakunlandi! Niderlandiya yarim finalda. Angliya va Niderlandiya yarim finalning ikkinchi juftligini hosil qilishdi.

90+4. Niderlandiya jon jahdi bilan himoyalanmoqda.

90+1. Zarbaaaaaa! To'p darvozaga kirishni istamayapti. Qilichso'yning zarbasini Verbryuggen qaytarmoqda! Turkiya taslim bo'lmoqchi emas!

90. Zarbaaa! Turkiyada ajoyib imkoniyat edi. Karim Akturko'g'lu zarbada adashmoqda!

89. Gakpodan zarba! Kodi o'yinga nuqta qo'yishi mumkin edi, ammo Turkiya darvozaboni ajoyib seyv qayd etdi.

89. Turkiyada almashtirish. Ayxan o'rniga Qilichso'y maydonga tushdi.87. O'zgarishlar. Simons va Depay o'yindan olindi. Zirkze va Frimpong maydonga tushdi.

85. Qanday vaziyatlar? Turkiyada ikki marta zarba uchun qulay vaziyat bo'ldi. Ikkala zarba ham Niderlandiya himoyachilari tomonidan qaytarildi.

82. Turkiya himoyalangani uchun jazolandi. Endi vaziyatni o'nglash kerak.

77. Turkiyada o'zgarish. Yildiz va O'zjan maydonni tark etdi, Yokuslu va Akurko'g'lu o'yinga qo'shildi.

75. GOOOOOOOOOOOOOOOOOOL! Niderlandiya hisobda oldinga chiqmoqda. Dyumfris qanotdan to'pni erlatib jarima maydoniga uzatdi. Gakpo esa bu vaziyatni golga aylantirdi.

74. Niderlandiyaning ishtaxasi ochildi. Kuman shogirdlari ikkinchi golni ham urishmoqchi.

73. Niderlandiyada o'zgarishlar. Ake va Reynders maydonni tark etishdi. Ularning o'rniga Virman va van de Ven o'yinni davom ettiradi.

70. GOOOOOOOOOOOOL! De Vrey hisobni tenglashtirmoqda. Depayning qanotdan bergan uzatmasini Stefan darvozaga joylab qo'ydi. 1:1

70. Vegxorst!!! Havodan kelgan to'pni darvozaga joylashga harakat qildi, ammo darvozabon seyv ko'rsatdi.

65. Zarbaaaa! Kenan Yildiz ajoyib zarba berdi, ammo Niderlandiya posboni bu zarbani qaytarib yubordi.

64. Van Deyk ham sariq kartochka oldi. Gyulerning uzatmasidan so'ng Virjildan qochib ketayotgan Turkiya futbolchisi qo'pollik bilan to'xtatildi.

57. Depaydan zarba! Mert Gyunok o'z o'rnida

56. Zarbaaa! Arda Gyulerning jarimadan bergan zarbasi darvoza ustuniga tegib, maydonni tark etdi!

55. Natan Ake ogohlantirildi. Himoyachi xafvli hujum uyushtirayotgan Arda Gyulerni to'xtatgani uchun sariq kartochka oldi.

54. Uxxxx! Niderlandiyada yana bir imkoniyat. Jarima maydonchasiga oshirilgan xavfli uzatmani darvozaga kiritib yuboradigan o'yinchi topilmadi.

53. Niderlandiya to'liqligicha hujumga o'tmoqda.

51. Depaaaaaay?! Qanotdan oshirilgan to'pni Vaut Vegxorst qarama-qarshi tarafga oshirib berdi. U erda turgan Memfis Depay to'pni deyarli bo'sh darvozaga joylay olmadi!

46. Niderlandiya tarkibida o'zgarish. Bergveyn o'rniga Vaut Vegxorst maydonga tushirildi.

46, Ikkinchi bo'lim boshlandi.

45+2. Birinchi bo'lim Turkiyaning foydasiga yakunlandi. Tanaffus!

45. Birinchi bo'limga ikki daqiqa qo'shib berildi.

44. Gakponing zarbasi rekoshet sabab o'z kuchini yo'qotdi va Turkiya darvozabonining qo'liga kelib tushdi.

42. Niderlandiya vaziyatni o'nglash uchun hujumga o'tmoqda.

35. GOOOOOOOOOOOOL! Turkiya hisobni ochmoqda. Arda Gyulerning qanotdan oshirgan to'pini Samet Akaydin darvozaga joylab qo'ydi!

30. Xavi Simons qo'pol o'ynagani sabab ogohlantirildi.

29. Xavfli vaziyat! CHalxanogluning uzatmasidan so'ng Bardakchi noaniq zarba berdi.

25. Turklar o'yinni ancha tenglashtirishdi. Niderlandiya o'yinning dastlabki qismidagidek xavfli hujumlar uyushtirma olmayapti.

Turkiya prezidenti Rajab Toyyib Erdo'g'an o'yinni stadiondan kuzatmoqda:

15. Akaydin erda yotibdi, shifokorlar unga yordam ko'rsatishmoqda. Himoyachi o'yinni davom ettira oladi.

12. Bu safar Xavi Simons jarima maydonchasi tashqarisidan zarba berib ko'rgandi. Umuman olganda, hozircha niderlandlar o'yinda ustunlik qilishmoqda va xavfli vaziyatlarni sodir etishmoqda.

8. Xakan CHalxanoglu Xavi Simonsning to'pga zarba berishiga imkon bermayman deb zarbani oyog'iga qabul qilib oldi... Hammasi joyida, "Inter" xavbeki bahsni davom ettiradi.

7. Gakpo qulay vaziyatdan o'ta noaniq zarba berdi! Yon hakam bu erda o'yindan tashqari holatni qayd etdi, ammo bu vaziyatda offsayd yo'q edi.

2. Uxxx! Depay juda qulay imkoniyatni boy berdi. Yaqinda "Atletiko"ni tark etgan hujumchi o'zi vaziyat yaratib jarima maydonchasiga kirib zarba bergandi, ammo unga aniqlik etishmadi.

1. O'yin boshlandi!