Evro-2024. Slovakiyani mag'lub etgan Angliya chorak finalda! Bellingem 95-daqiqada gol urdi

Evro-2024
1/8 final
Angliya - Slovakiya 2:1
Gollar: 0:1 – 25 SHranc, 1:1 – 90+5 Bellingem, 2:1 – 91 Keyn.

Angliya – Pikford, Uoker, Stounz, Gexi, Tripper (Palmer, 66), Rays, Foden (Touni, 90), Bellingem (Konsa, 90), Maynu (Eze, 84), Saka, Keyn (Gallaxer, 90).

Slovakiya – Dubravka, Pekarik (Tupta, 90), SHkrinyar, Vavro, Gancko, Kucka (Bero, 81), Lobotka, Duda (Benesh, 81), Garaslin (Suslov, 61), SHranc (Domber, 90), Strelec (Bojenik, 62).

Ogohlantirishlar: Gexi (3), Maynu (7), Kucka (13), Bellingem (17), SHkrinyar (45+1), Pekarik (77), Vavro (108), Domber (114).

England Jude Bellingham - 90', Harry Kane - 91'

EURO Final Stage . 1/8-tur 30/06/2024, 22:00 1 : 2 Finished AET

Slovakia Ivan Schranz - 25'

Stadion: Arena Auf Schalke, 47244 tomoshabin

Bosh hakam: Halil Meler

45'

90'

120'

3'  Marc Guehi

7'  Kobbie Mainoo

17'  Jude Bellingham

50'  Phil Foden

66'  Kieran Trippier (Cole Palmer)

84'  Kobbie Mainoo (Eberechi Eze)

90'  Phil Foden (Ivan Toney)

90'  Jude Bellingham

90'  Marc Guehi

91'  Harry Kane

91'  Ivan Toney

106'  Harry Kane (Conor Gallagher)

106'  Jude Bellingham (Ezri Konsa)

13'  Juraj Kucka

25'  Ivan Schranz

25'  David Strelec

45'  Milan Skriniar

61'  Lukas Haraslin (Tomas Suslov)

61'  David Strelec (Robert Bozenik)

77'  Peter Pekarik

81'  Juraj Kucka (Matus Bero)

81'  Ondrej Duda (Laszlo Benes)

90'  Ivan Schranz (Norbert Gyomber)

108'  Denis Vavro

109'  Peter Pekarik (Lubomir Tupta)

114'  Norbert Gyomber

120'  Tomas Suslov

Match-senterda ochish

Ushbu sahifada uchrashuvning matnli translyaciyasini kuzatib borishingiz mumkin bo'ldi.

YANGILASH

Bo'ldi, final hushtagi yangradi! Angliya — chorak finalda!

120+1-daqiqa. O'ng qanotdan uzatma va zarba qovushmadi hamda Pikford to'pni egallab oldi.  

Bosh hakam yana 1 daqiqa qo'shib berildi!

120-daqiqa. Qarshi hujumda Ayven Tounida imkoniyat yuzaga keldi, biroq uning kuchli zarbasiga aniqlik etishmadi. 

119-daqiqa. Slovakiya yana bir imkoniyatdan foydalana olmadi. 

116-daqiqa. Slovakiya burchak zarbasi ishlab oldi. Uzatmadan keyin Eze hech qaerga qarab o'tirmay, to'pni imkon qadar uzoqroqqa tepib yubordi. 

114-daqiqa. Ogohlantirish! Tounini "tepkilab" tashlagani uchun Gyumberga sariq ko'rsatdi hakam. 

113-daqiqa. Sloveniya bosim uyushtirdi va ketma-ket hujumlar uyushtirdi, ammo bu natija bermadi. 

109-daqiqa. O'zgarish! Peter Pekarik o'rniga Lyubomir Tupta maydonga tushirildi. 

108-daqiqa. Ogohlantirish! Eze bir raqibidan o'tib, ikkinchisiga borib urildi. Hakam Vavro o'yin qoidasini buzdi deb topdi va sloveniyalik futbolchiga sariq ko'rsatdi. 

106-daqiqa. Ikkinchi ekstra-taym boshlandi!

O'zgarishlar! Jud Bellingem va Xarri Keyn o'rniga maydonga Konor Gallaxer hamda Ezri Konsa tushirildi. 

105+1-daqiqa. Bosh hakam birinchi ekstra-taym yakunlanganini bildiruvchi hushtagini chaldi!

105-daqiqa. Peter Pekarik birinchi ekstra-taymning so'nggi daqiqasida muvozanatni tiklab qo'yishi mumkin edi. Lekin himoyachi o'zi tomon aniq yo'llangan to'pni darvozaga to'g'rilashda sustkashlikka yo'l qo'ydi. 

100-daqiqa. Qanotdan uzatilgan to'pni Pikford ushlab oldi. 

97-daqiqa. Angliyaning hujumi uzatmadagi xato tufayli uzilib qoldi.  

95-daqiqa. Slovakiya to'pni nazorat qilmoqda. 

Ayven Touni o'z nomiga assist yozdirib qo'ydi. 

GOOOOOOL! Angliya qo'shimcha bo'limlarni gol bilan boshladi! Xarri Keyn Angliyani oldinga olib chiqdi!

91-daqiqa. Demak, ketdik. Keyn qo'shimcha bo'limlarni boshlab berdi. 

Birozdan keyin ekstra-taymlarga guvoh bo'lamiz.

Bosh hakam uchrashuvning asosiy vaqti yakunlanganini bildiruvchi hushtagini chaldi!

90+5-daqiqa. GOOOOOOOOL! JUD BELLINGEM Angliyani qutqarib qolmoqda!

90+3-daqiqa. O'zgarish! Yagona gol muallifi bo'lgan Ivan SHranc o'rniga himoyachi Norbert Domber maydonga tushdi.  

90+1-daqiqa. Eze ingizlarga burchak zarbasi ishlab berdi. 

90-daqiqa. Uchrashuvning asosiy vaqtiga 6 daqiqa qo'shib berildi!

87-daqiqa. Lobotka imkon paydo bo'lgani tufayli zarba yo'llab ko'rdi, Pikford o'z o'rnida. 

85-daqiqa. Jud Bellingem nisbatan fol va inglizlar jarima zarbasi tepish huquqiga ega bo'lishdi.

84-daqiqa. O'zgarish! Kobi Maynu o'rniga Eberiche Eze jangga tashlandi!

81-daqiqa. O'zgarishlar! Ondrey Duda va Yuray Kucka o'rnini Matush Bero hamda Laslo Beneshga bo'shatib berdi. 

81-daqiqa. Deklan Raysning kutilmaganda bergan zarbasidan keyin to'p ustunga tegib qaytdi, Keyn takroriy urinishda mo'ljalni aniq ololmadi. 

77-daqiqa. Ogohlantirish! Peter Pekarik to'p o'rniga Fil Fodenning oyog'iga zarba bergani uchun ogohlantirildi. 

74-daqiqa. Maydonga tushganiga 15 daqiqa ham bo'lmagan Suslov kurashda oyog'ini qattiq qayirib oldi. Unga shifokorlar yordam ko'rsatishmoqda.  

70-daqiqa. Angliya futbolchilari nimalardir qilishga urinmoqda, lekin hozircha Slovakiya darvozasi tomon barcha yo'llar yopiq.

66-daqiqa. O'zgarish! Kiran Tripper o'rniga Koul Palmer maydonga tushirildi. 

61-daqiqa. O'zgarishlar! Lukash Xaraslin va Strelec o'rniga Bojenik hamda Suslov o'yinga qo'shildi. 

59-daqiqa. Jarima maydonchasiga yorib kirayotgan Maynu yiqitildi. Qulay nuqtadan jarima zarbasi.

57-daqiqa. Bellingem bilan kurashdan keyin Pekarik yiqilib yotibdi. 

54-daqiqa. Mana buni vaziyat desa bo'ladi... Angliya futbolchilari maydonda yurib uxlayapti chog'i.

51-daqiqa. Keynning zarbasidan keyin himoyachi to'p yo'liga to'g'anoq bo'ldi. Burchak zarbasidan esa yana naf chiqmadi. 

Ammo, lekin, biroq... "VAR" o'yindan tashqari holatni qayd etdi va gol bekor qilindi.

50-daqiqa. GOOOOOOL! Fil Foden chapdan Kiran Tripperning uzatmasidan keyin bo'sh qolgan darvozani ishg'ol qildi.  

48-daqiqa. To'p asosan maydon markaziga yaqin hududda aylanib yuribdi. 

46-daqiqa. Ikkinchi bo'lim boshlandi!

Birinchi bo'lim yakunlandi! Slovakiya tanaffusga hisobda oldinda borayotgan holda yo'l olmoqda!

45+4-daqiqa. Angliya ketma-ket burchak zarbalarini amalga oshirdi. Biroq ularning hech biridan naf chiqmadi. 

45+1-daqiqa. Ogohlantirish! Milan SHkrinyar sariq kartochka ishlab oldi. U Bellingemning oyoqlari ostidan to'pni tepib yubormoqchi edi, lekin kech qoldi. 

45-daqiqa. Birinchi bo'limning asosiy vaqtiga 3 daqiqa qo'shib berildi!

44-daqiqa. Jon Stounsga nisbatan fol. Sautgeyt raqib futbolchisiga sariq kartochka talab qilib yuribdi. 

40-daqiqa. Jarima maydonchasidagi to'qnashuvdan keyin o'rnidan tura olmagan Vavroga tibbiy yordam ko'rsatildi. 

38-daqiqa. Duda Bellingemga nisbatan fol ishlatdi deb topildi. Inglizlar uchun standart vaziyat. 

35-daqiqa. Vavro to'pni maydon tashqarisiga chiqarib yubordi. Yana burchak zarbasi va hujumda fol qayd etildi.  

34-daqiqa. Bellingem jamoasi uchun burchak zarbasi ishlab berdi. 

32-daqiqa. Keynning uzatmasidan keyin Saka zarba yo'llashi reja qilingandi, lekin Bukayo to'pga eta olmadi. 

28-daqiqa. Angliya to'pni nazorat qilmoqda. 

25-daqiqa. GOOOOOOOL! Ivan SHranc Slovakiyani hisobni ochmoqda!

24-daqiqa. Burchak zarbasidan keyin slovakiyalik himoyachilar to'pni qaytargandek bo'lgandi, ammo jarima maydonchasi chizig'i yonidan Kobi Maynu zarba yo'lladi. Uning urinishi kuchli, lekin noaniq chiqdi.    

21-daqiqa. Angliya to'pni o'z nazoratida ushlab turibdi. 

17-daqiqa. Ogohlantirish! Bu safar sariq Jud Bellingemga ko'rsatildi. Jud maydon markaziga yaqin zonada Xaraslinga nisbatan qo'pol o'ynadi. 

14-daqiqa. Foden to'pni qarama-qarshi qanotdagi Sakaga tashlab bergandi, ammo himoyachi zarba berishga imkon qoldirmadi. 

13-daqiqa. Ogohlantirish! Yuray Kucka raqibning ehtimoliy xavfli hujumini qo'pollik bilan to'xtatib qoldi. 

12-daqiqa. Slovakiya yana bitta chinakamiga golli vaziyat yaratdi. 

11-daqiqa. Angliyaning uzoq davom etgan hujumi Deklan Raysning noaniq uzatmasi tufayli oxiriga etmay qoldi. 

9-daqiqa. Bellingemning ajoyib uzatmasidan keyin zarba uchun qulay imkoniyatga ega bo'lgan Trippier regbi zarbasidan ko'rsatib berdi.  

8-daqiqa. Slovakiya yana bir bor Pikford darvozasiga xavf solishni uddaladi. 

7-daqiqa. Ogohlantirish! Hujumdagi fol uchun Kobi Maynu sariq kartochkaga loyiq ko'rildi. 

5-daqiqa. Slovakiya chap qanotdan tezkor hujum uyushtirdi, biroq oxirgi uzatmaga aniqlik etishmadi, aks holda hisob ochilishi hech gap emasdi.  

3-daqiqa. Ogohlantirish! Mark Gexi to'pni odinga tashlab, qochib ketayotgan Strelecni qo'pol tarzda to'xtatib qoldi.  

1-daqiqa. O'yin boshlandi! Uni Slovakiya vakillari boshlab berdi.