Evgeniy Kochnev: "Agamurodovning men haqimda aytganlari yolg'on"

Mavsum yakunlangandan so'ng Agamurodov bergan intervyusida jamoa haqida o'z fikrlarini bildirib o'tgan edi.

Buxoroga tashrif davomida ushbu intervyuda nomi tilga olingan futbolchi Evgeniy Kochnev bilan suhbatlashdik.

"Mana shu holat bo'yicha men o'zimni fikrimni aytadigan bo'lsam, albatta vaqt ko'rsatadi va hammasi ayon bo'ladi. Ketma-ket oxirgi to'rt muvaffaqiyatsiz uchrashuv borasida ham o'z fikrini bildirib o'tmagani qiziq bo'libdi. Bu borada muxlislar ham allaqachon bilib bo'ldi. Bir kun kelib hammasi haqida aytib o'taman, lekin hozir vaqti emas. Men o'zim haqimda aytadigan bo'lsam, bu gaplar asosga ega emas va hech qachon kimdandir madad kutmayman. Men o'zimga ishonaman."

"Bu murabbiy vaqtida hech bir mahalliy yoshlarimiz tushmadi. Men bilan bir vaqtda oliy ligada o'ynab kelgan SHahzod Sulaymonov, Azizbek Muratov kabi futbolchilarni mavsum boshida maydonga tushib keldik. Keyinchalik esa hech qachon maydonda tushmadi va mavsum oxirigacha zaxira o'rindig'idan joy oldi. Bu borada faqat menda shunday holat bo'lgani yo'qku."

"Bilmadim balki murabbiy yoshlarni o'yinidan qoniqmagandir. Munosabat borasida bir narsa aytishga ojizman" - deya o'z fikrlarini bildirib o'tadi Evgeniy Kochnev championat.asia saytiga bergan intervyusida.

Humoyun Davurov suhbatlashdi.