"Everton" Barkli uchun "Tottenxem"dan 50 mln funt so'ramoqda

London klubi mersisaydliklar bilan 23 yoshli futbolchining transferi borasida muzokara olib bormoqda. Hozircha, tomonlar bir to'xtamga kela olishmayapti. "Everton" o'yinchi uchun 50 million funt so'ramoqda, lekin Barklining shartnomasi tugashiga 1 yil qolgan xolos.

"Tottenxem" hozirgi holatda bu summa Barkli uchun ko'p ekanligini biladi. "Everton" esa o'z tarbiyalanuvchisini keyingi yil tekinga qo'yib yuborgandan ko'ra, bu yil arzonroqqa berib yuborgani maqul.

Har ikki tomon kelishuvga erishishga va transferni amalga oshirishga harakat qilmoqda.