Eshitdik-da! Jasur Jaloliddinov yangi mavsumni "Andijon"da boshlaydi

Xabaringiz bor, 27 yanvar kuni Moskvaning "Lokomotiv" klubi Jaloliddinov bilan shartnomani bekor qilgandi. Futbolchi faoliyatini davom ettirish uchun yoshlikdagi murabbiyi Otabek G'ulomxo'jaev ishlayotgan "Andijon"ni tanladi va buni boshqa variantlardan ustun qo'ydi. G'ulomxo'jaev qo'l ostida futbolchi o'yin amaliyotiga ega bo'lishi aniq, bu esa yarim yildan ortiq vaqt davomida rasmiy o'yinda maydonga tushmagan Jasur uchun ayni paytda eng muhimi. 

Championat.asia sayti malumotiga ko'ra, Jasur Jaloliddinov o'z agenti Yuriy Belous bilan ortiq ishlashni xohlamayapti va kelishuvni bekor qilish ustida ishlamoqda. Bugungi kunda jarayon davom etmoqda. SHu bois futbolchi "Andijon"ni agentlar aralashuvisiz tanladi.