Ertaga “Milliy” stadionida O'zbekiston – KXDR o'yini oldidan matbuot anjumani o'tkaziladi
11 okt 2018 16:25
Yangiliklar
![](https://championat.asia/upload/storage/457745_original.jpg)
![](/upload/storage/457745_220.jpg)
Ertaga “Milliy” stadionida O'zbekiston – KXDR o'yini oldidan matbuot anjumani o'tkaziladi
13 oktyabr kuni Ektor Kuper boshchiligidagi O'zbekiston milliy terma jamoasi KXDRga qarshi o'rtoqlik uchrashuvida maydonga tushadi.
Ushbu uchrashuvdan bir kun oldin yani 12 oktyabr kuni “Milliy” stadionning matbuot anjumanlari zalida har ikki terma jamoa bosh murabbiylari ishtirokida matbuot anjumani bo'lib o'tadi.
O'zbekiston milliy terma jamoasi bosh murabbiyi Ektor Kuper ishtirokidagi matbuot anjumani soat 15:30 da boshlanadi. Soat 16:00 dan soat 17:00 gacha terma jamoamiz o'yinoldi rasmiy mashg'ulotida qatnashadi.
KXDR bosh murabbiyi ishtirokidagi matbuot anjumani esa soat 16:45 da boshlanadi. Raqiblarimizning rasmiy mashg'uloti soat 17:30 dan soat 18:30 gacha “Milliy” stadionida davom etadi.
O'yinni bevosita stadionda tomosha qilishni istagan muxlislar chiptalarni "Milliy" stadioni kassalaridan xarid qilishlari mumkin. CHiptalar savdosi davom etmoqda.
O’xshash yangiliklar
![AMP Logo](https://championat.asia/image/logo-amp.png)
Fikrlar