Erkin Boydullaev: “Farg'onaga g'alaba uchun kelgandik”

Uchrashuvda qarshiliklarni sardor sifatida maydonga boshlab tushgan yarim himoyachi Erkin Boydullaev o'yin haqida shunday deydi:

-Biz Farg'onaga faqat g'alaba uchun kelgandik. Albatta yirik g'alabaga erishishimizni ko'pchilik qatori men ham kutmagandim. Lekin bu “Neftchi”ni kuchsizligini anglatmaydi. Farg'onaliklar ham to'pni yaxshi nazorat qilishdi. Umuman jamoaning o'yini avvalgilarga qaraganda yaxshi tomonga o'zgargan. Faqat biz vaziyatlardan unumli foydalandik va raqibga imkon bermaslikka urindik.

-Uchrashuvda jarima to'pidan so'ng darvozani ishg'ol etdingiz. Odatda siz jarima to'plarni juda kam tepasiz...

-Murabbiyimiz o'yindan oldin kim o'ziga ishonsa, tepsin degandi. O'sha vaziyatda mehmonlar jarima maydonchasi yaqinida qoida buzilgach, jarima to'pini o'zim tepishga qaror qildim. Zarba kutilganidan ham yaxshi chiqib, to'p darvoza to'pidan joy oldi, - deydi Boydullaev.