Eng zo'r marosim

Qatar Akram Afif - 45', Almoez Ali - 56', Akram Afif - 90'

Asian Cup Grp. A . 1-tur 12/01/2024, 21:00 0 : 3 Tugadi

Lebanon

Stadion: Lusail Stadium, 82490 tomoshabin

45'

90'

45'  Akram Afif

45'  Almoez Ali

56'  Almoez Ali

56'  Mohammed Waad

57'  Yusuf Abdurisag (Ismael Mohammad)

57'  Hassan Al Haidos (Mostafa Meshaal)

72'  Mohammed Waad (Homam Elamin)

78'  Almoez Ali (Ahmed Alaaeldin)

79'  Abdulaziz Hatem (Jassem Gaber)

86'  Ahmed Alaaeldin

90'  Pedro Miguel

90'  Akram Afif

51'  Mohamad Haidar

70'  Hassan Maatouk (Hilal El-Helwe)

70'  Waleed Shour (Hasan Srour)

70'  Mohamad Haidar (Omar Bugiel)

80'  Bassel Jradi (Gabriel Bitar)

80'  Hasan Srour

87'  Nassar Nassar (Soony Saad)

Match-senterda ochish

Qatar hamda Livan terma jamoalari ishtirokidagi dastlabki bellashuvdan oldin musobaqaning ochilish marosimi bo'lib o'tdi. SHubhasiz, bu men shaxsan qatnashgan ochilish marosimlari ichida eng zo'ri. Qatar tadbirni top darajada o'tkazdi. Unda turli qo'shiqlar bilan birga asosiy urg'u teatrlashtirilgan chiqishga qaratildi. Unda "Kalila va Dimna" (hind eposi)dan parchalar ko'rsatildi. Marosimdagi har bir ishtirokchining liboslari alohida mavzu. Hayvonlarning kiyimlari va bosh qismi hayotdagidek chiqqan, maksimal o'xshatilgan. Qoyil! Marosim jozibali bo'lish bilan birga, unda Falastinni qo'llab-quvvatlashga ham katta etibor qaratildi.

Ochilish marosimidagi liboslar dunyoga mashhur kostyum dizayner Diana Silers tomonidan yaratilgan. 67 yoshli Silers xonim o'z ishining haqiqiy ustasi ekanligiga kecha butun dunyo yana bir bor ishonch hosil qildi.

Qirg'iziston futbol ittifoqi bosh kotibi Nurdin Bukuev (sobiq futzal hakami), O'FA birinchi vice-prezidenti Ravshan Ermatov hamda O'FA vice-prezidentiOdil Ahmedov ham kecha "Lusayl" stadionida edi.

Stadionda OAV vakillari uchun mo'ljallangan media tribuna. Unda barcha sharoitlar yaratib berilgan.

Qatar amiri SHayx Tamim bin Hamad Al Tani stadionga kirib kelganidan so'ng ochilishning asosiy qismi boshlandi.

Livanlik qo'shiqchi Abeer Nehmi "Kalila va Dimna"dagi cho'l guli "Tanon" rolida chiqish qildi. Qo'shiqchining libosi va dekoraciyani qoyillatishibdi.

Qatar ochilish marosimi uchun kattagina pul sarflagani ko'rinib turibdi. Lekin, pulini oqladi)

Hayvonlarning kiyimi va bosh qismi maskasi maksimal reallikka o'xshatilgan. Ko'zlar ham juda o'xshatilgan. Tadbir ishtirokchilarining liboslari uchun alohida mehr berilgani ko'rinib turibdi.

Marosimda Qatar amiri SHayx Tamim bin Hamad Al Tani (o'rtada), FIFA prezidenti Janni Infantino (chapda) va OFK prezidenti SHayx Salmon (o'ngda) ham ishtirok etishdi.

Qatar termasi sardori Hassan Al Haydos Osiyo kubogi qasamyodini qabul qilish imkoniyatini Falastin termasi sardoriga topshirdi 

Qatar ochilish marosimida Falastin mamlakatini qo'llab-quvvatladi. Musobaqa qasamyodini Falastin sardori Musab Al Battat milliy libosda qabul qildi. Vaholanki, bu ishni odatda mezbon jamoa sardori amalga oshiradi.

Ajoyib mushakbozlik esa tadbirni yanada jozibali bo'lishiga hissa qo'shdi.

Qatar bir yil oldin Jahon chempionatiga mezbonlik qildi. Aynan mundial tajribasi ularga qita birinchiligini ham eng yuqori darajada o'tkazishga yordam bermoqda. JCHdagi metodikalarni mamlakat OKda ham qo'llamoqda. Qatar uchun ushbu musobaqada birinchi o'ringa xavfsizlik qo'yilgan. Har bir ishtirokchi kishi maxsus beyjiklarsiz kerakli joyga kira olmaydi. Futbolchilar va terma jamoa vakillarining xavfsizligiga ham katta etibor qaratilmoqda. Har bir jamoaga ikki nafardan xavfsizlik oficerlari biriktirilgan. Har bir jarayon aynan xavfsizlikka masul insonlar orqali amalga oshiriladi. Bu narsa JCHda ham qo'llangan. Xullas, mundialdagi juda katta tajriba Qatar mamlakatiga qo'l kelmoqda. Tashkilotchilik borasida oldingi barcha qita birinchiliklari ortda qoldirilmoqda, nazarimda.

Bugun O'zbekiston terma jamoasi ham Osiyo Kubogidagi yurishini boshlaydi. Futbolchilarimizga Suriyaga qarshi uchrashuvda omad va zafar tilab qolamiz. Stadiondan qaynoq suratlar va lavhalarni kuting. Eng yaxshilarini sizga ilinamiz.